Read lunyore AYUBU 23 Bible Online

AYUBU 23 - lunyore bible

AYUBU 23

¹Ayubu yakalusia naboola mbu,

²“Kata khandi olwaleelo luno, okhwekaana khwanje nokhululu. Mbindanga sichila esinyasio sia Nyasaye nesilulu khuise.

³Makano ndaba nimanyile ahanyala okhumunyoola, khandi singa nyala okhwola ahali!

⁴Ndakhahaan'ne omuse kwanje khuye, ma mboole ebifune biosi ebingobokhelanga.

⁵Nyenyanga khumanya singa anyala okhuboola khandi singa anyala okhungalusia.

⁶Mbula Nyasaye yakharumikhila obunyalibwe bwosi khu ise noho? Tawe, anyala okhuhuyia olwamba nin'nomanga.

⁷Ise ndi omusubilwa. Nyala khul'loma na Nyasaye; naye nonyala khuboola mbu mbula esikha khulwe inziayo.

⁸“Lola, khabile Nyasaye ebukwe ne sialiho tawe. Kata khandi simunyooye olwa mukhabile emasaba tawe.

⁹Nyasaye yali nemilimo esinyolu nende enandete, nebutswa sili okhumulolakhwo tawe.

¹⁰Nebutswa Nyasaye wamanya injila eya nondangakhwo, naaba niyandeema, alanyoola nindi omusiyikhu singa etsahabu.

¹¹Ebilenje bianje bisenanga omwa Nyasaye asenanga, nondanga injila yiye nireberakhwo tawe.

¹²Kholanga aka Nyasaye alakanga khasotso, nondanga okobulalilo bubwe, tawe akobwenyi bwanje.

¹³“Ye siakalukhananga tawe. Khandi sialiho onyala okhumufukula, nohomba okhumwikal'la akayenyanga okhukhola tawe.

¹⁴Okhuba alahesia akayaloosia khu ise, ne amenji singa yako kali mumwoyokwe.

¹⁵Khulwe yako ndekelanga noburi imbeliwe; olwa mbaaranga khu yaka kosi, oburi bumambanga.

¹⁶Nyasaye wayinzir're omwoyo, Uyo Owokhunyala Biosi wayiriisisie.

¹⁷Nebutswa sindasiling'anibwa nesiilima tawe, kata esiilima ti sisiayinzikal'la okhumulola tawe.”