Read lunyore AYUBU 29 Bible Online

AYUBU 29 - lunyore bible

AYUBU 29

¹Ayubu natsilil'la namang'ana keke naboola mbu,

²“Makano ndakalukha okhuba singa ndalinji mumatukhu kabira, mumatukhu ka Nyasaye yali niyaniindanga.

³Nyasaye yalinji n'nase amatukhu kosi, niyakhosisia obulafu olwa ndabir'ra musiilima.

⁴Yako kali amatukhu kandali nemiandu, ne obulina bwa Nyasaye bwalindanga hango hanje.

⁵Nyasaye Owokhunyala Biosi yali nasili n'nase, ne abaana banje nibaafumbil'la.

⁶Tsing'ombe tsianje netsimbusi biambelesia amabeele amenji ne emisaala chiemiseituni nitsikhula mwiloba lie bikulu.

⁷Olwa abakhulundu be litookho babukaananga hasilibwa nase ndalinji nobukono bwanje mubo,

⁸ababuukha besundanga elubeka olwa bandolanga, nabe abakhulundu nibasinjila okhuumba oluyali.

⁹Abemeli balekhanga okhuboola,

¹⁰kata abandu boluyali okhusila babunanga tsi.

¹¹“Buli mundu wandolakhwo nohomba, owambul'lakhwo, yali nende amalahi akokhuboola khumalahi kandakhola.

¹²Olwa abamanani bandakayila, ndali okhubakhonya; ndakhonya ababisandu abarali nende onyala khubakhonya.

¹³Abandu bali namanyakhano amakali bali khufumia, kata ndakhonya abakhasi balekhwa okhunyoola omulembe.

¹⁴Okhuhaana obukhalachi bwahabwene khandi obwatooto nomulimo kwanje kwakhasotso.

¹⁵Ndali obulafu khubabofu, ne khubalema ndali ebilenje.

¹⁶Ndali singa samwana khubatakha, khandi ndakhonyel'la abarende bali mumanyakhano.

¹⁷Ndafunaka obunyali bwabandu abalulu, ma nisoola abasandibwanga okhurula m'makhono kabwe.

¹⁸“Naayanga okhumenya amatukhu amenji, ma fwile hango hanje mumulembe.

¹⁹Fwana omusaala kwemisi chiakwo chinyoolanga amaatsi khasotso, khandi tsisaka tsiakwo tsiatsinziba khulwe lime.

²⁰Buli mundu yanzitsoomianga, tsingufu tsianje sitsihwetsangakhwo tawe.

²¹Olwa ndali khuhaana lichetsiyio, abandu basiling'ana, ma nibahuyia bulahi khukandaboola.

²²Sibalikhwo nende eliokhumeetakhwo ndakhamala khuboola tawe. Amang'ana kanje kabenjila singa ifula eronyanga.

²³Buli mundu yayanzisibwa nende amang'ana yaka, singa abalimi basangal'langa ifula murotso.

²⁴Ndali khubamwenyela olwe emioyo chiali nichifwiye; ne obusangali bwanje bwabameeta tsingufu.

²⁵Ndali khubasinjil'la ma nikhalaka akokhukholwa, nimbemel'la singa omuruchi yemel'langa abasikaribe, ma nikachila nimbalemia omwoyo.”