Read lunyore ETSISABURI 101 Bible Online

ETSISABURI 101 - lunyore bible

ETSISABURI 101

¹Olwembo lwanje luli khukobwetutuyi nende obukhalachi bwahabwene, ne nakhwembele olwembo tsana ibe, E OMWAMI.

²Ifwo yanje sieli nesikha tawe. Nilina olwolitsa khu ise?

³Ne sindakhefwila obubi tawe. Ise mbihil'lwanga ebikholwa bie yabo abasukhananga nibarula khu Nyasaye; sisilikhwoho siosi esiakhunyala okhusangilana n'nabo tawe.

⁴Ise ndaba ehale nende abandu abarali abasubilwa, ne sinasangilanekhwo namababi tawe.

⁵Ndamufuuba ehale omundu wosi omonyanga owasie obubi, sindamuhuchil'la omundu wosi wokhwelola nende owomwekhonyo tawe.

⁶Nambuchil'le yabo abali abasubilwa khu Nyasayewe, ma nandekhe bamenye munyumba mwanje. Yabo bosi abali abasubilwa kupu balahuchil'lwa okhuurumikhila.

⁷Omundu omubehi wosi siyakhahuchil'lwa okhumenya munyumba yanje tawe; kata omukalakala sianyala khulolekha mutsimoni tsianje tawe.

⁸Obusia nobusia nasalisie abandu ababi musibala siefwe. Nakhunge abandu ababi bosi okhurula mwitookho lio MWAMI.