Read lunyore ETSISABURI 132 Bible Online

ETSISABURI 132 - lunyore bible

ETSISABURI 132

¹OMWAMI, orebil'la Daudi, nende amatinyu aka yabir'ramwo tawe.

²Witsul'le, OMWAMI, aka yali okhusubisia, esiesuhosie khuibe, Nyasaye wa Yakobo Owokhunyala Biosi mbu:

³“Sindatsia ingo kata musitanda tawe;

⁴Sindahuluukha kata okhukona,

⁵okhwola olwa nombela OMWAMI habundu, ahali hango ha Nyasaye wa Yakobo Wokhunyala Biosi.”

⁶Nikhuli Betselehemu, khwahul'la ake Lisanduku lie Indakano, ne khwalinyoola mumikunda chia Yerimu.

⁷Nikhuboola, “Chende khutsie mu Hekalu yo MWAMI; chende khutsie okhwekayakaya imbeli woluruba lulwe.”

⁸Witse mu Hekalu OMWAMI nende Lisanduku lie Indakano, esimanyilo siobunyali bubwo, ma omenye hano inziayo.

⁹Abesaalisibo bakholenje akahabwene khasotso; abandubo bakhupe liyoka liobusangali!

¹⁰Wesuhila omurumikhiliwo Daudi; orasuula omuruchiwo omwelwa tawe, E OMWAMI.

¹¹Wesuhila Daudi esiesuho esitsienukhu, esiesuho esioranyala okhuhiiniaho mbu: “Ndakhakhole mulala khubasianibo omuruchi, naye yakhamihe singa ibe.

¹²Abasianibo nibakhaba abasubilwa khundakano yanje, nende khumalako akambalakanga, abasiani babwe nabo bakhamihe musilenjesio amatukhu kosi.”

¹³OMWAMI wahuye Sayuni; yenyanga okhukhola Sayuni ebe hango hahe.

¹⁴“Niho aha namenyenje khasotso; hano niho aha nyenyanga okhwamiha.

¹⁵Nakhol'le Sayuni kosi aka yenyanga; nanzikusie abatakhabaho nebiokhulia.

¹⁶Nanamile abesaalisi baho tsikhabi mukosi akabakhola, ne abandu baho nabembe nibahanzukha khulwo busangali.

¹⁷Hano ndakhemekhe mulala khubolwibulo lwa Daudi okhuba omuruchi omukali. Hano ndakhalinde bulahi olwami lwomuruchi wanje omwelwa.

¹⁸Ndakhasimbie abasukube omurwe, nebutswa obwamibwe bwahindihala nibumeetekha.”