Read lunyore ETSISABURI 14 Bible Online

ETSISABURI 14 - lunyore bible

ETSISABURI 14

¹Abahingwa baboolanga mumioyo chiabwe mbu, “Nyasaye sialiho tawe.” Bosi bayona, khandi bakholanga emilimo chies'sinyo, abulaho kata mulala okholanga amalunji tawe.

²OMWAMI ahenganga okhurula mwikulu khubandu, okhulola nibaba nibalikhwoho abalwenyukhu, abamwekayakayanga.

³Nebutswa bosi basiama; bosi halala nabesifwabwi. Sialiho okholanga amalunji, kata mulala yenyene tawe.

⁴OMWAMI areebanga mbu, “Sibamanyilisianga tawe? Abakholi bobubi yaba bosi sibali nobumanyi tawe? Bamenyanga khulwo okhunuula abandu banje, ne sibasaayanga khu ise kata nahati tawe.”

⁵Nebutswa kata mbwo balaba noburi obukali, okhuba Nyasaye ali halala ne yabo abamuritsanga.

⁶Abakholi bobubi bafwolanga obuloosie bwomundu omwetutuyi, nebutswa OMWAMI niye obwesingilo bwe.

⁷Mako obwa ndekombanga mbu obulechi, bunyolekhe khu Isiraeli okhurula Sayuni, esikulu sia Nyasaye. Abandu ba Isiraeli bakhabe nobusangali obukali, olwa OMWAMI yakhabakhole okhuhindihala khandi!