Read lunyore ETSISABURI 140 Bible Online

ETSISABURI 140 - lunyore bible

ETSISABURI 140

¹OMWAMI, usoole khubandu ababi, usinge khubandu abalulu.

²Abandu yabo bakanil'langa amabi amatukhu kosi, bakholanga obusoolo sielitukhu.

³Tsinimi tsiabwe tsili nobusungu singa obwe inzokha amang'ana kabwe kali singa obusungu bwesilikoma.

⁴OMWAMI, usoole khumasanda kabandu ababi; usoole khubobusolo abakhabanga okhungoka.

⁵Abekhonyi barekeye emireko, baal'le emikoye singa olububi okhundiila, babisile emibero chiabwe khunjila mbu bandiile.

⁶Mboolanga khu MWAMI, “Ibe niwe Nyasaye wanje.” Ohulile olwa nanganga, E OMWAMI.

⁷OMWAMI, Nyasaye wanje, omulindi wanje wetsingufu, ibe waisool'le mubulwani.

⁸OMWAMI, oraha ababi akabenyanga tawe; kata oralekha obusiemani bwabwe buhesikhe tawe.

⁹Oralekha abasuku banje babe abalechi tawe; lekha amang'ana kebirisio biabwe khu ise, kakalukhe khubo abene.

¹⁰Lekha amanda komul'lo kabakwile; bakwe mumako ne bararulamwo tawe.

¹¹Abekhal'langa abasiabwe sibakhahindile musibala tawe; obubi bukwile abalwani nokhubamala bwangu!

¹²Manyile mbu OMWAMI namulinde omundu omutekhele, nokhulwan'na omutakha akayenyekhanga anyoole.

¹³Siahene abalunji balakhwitsoomia; abakol'lokhu balamenya n'nawe.