Read lunyore ETSISABURI 143 Bible Online

ETSISABURI 143 - lunyore bible

ETSISABURI 143

¹OMWAMI, hulila okhusaaya khwanje! Mubulunji bubwo orechelesie khukhuhomba khwanje; ungalusie mubusubilwa bubwo.

²Orayalana n'nase, ise omurumikhili uwo tawe, abulaho orali nesikha mutsimoni tsitsio.

³Omusuku wanje waimbima buli habundu hosi, ma umal'le khundeka kupu. Ye ureeye munyumba imwamu ti eyesibohelo, nase ndi singa yabo abafwa khale muno.

⁴Khulwako omwoyo kwanje kwesikokele; ndi musihenda mwoyo esikali.

⁵Nzitsul'langa amatukhu akabira, mbaaranga khukosi akawali okhukhola, nzitsusianga ebikholebio biosi mumwoyo kwane.

⁶Njingulanga amakhono kanje khuibe nikhusaya; singa liloba eliomu omwoyo kwanje kuli nobuluho khuibe.

⁷Ungalusie luno OMWAMI! Obunaayi bwanje bwosi bukor're. Orebisa okhurula khu ise tawe, khase ndakhaba mulala khuyabo abakongomanga nibatsia musibala sie Makombe.

⁸Unzitsusienje siomukamba khukobuyanzibwo oburalilu, okhuba subilanga mwiwe. Okhusaaya khwanje khwolanga khuibe; manyia injila eya ndakhalondakhwo.

⁹Nzitsanga khuibe OMWAMI mbu usoole; umbabine khubasuku banje.

¹⁰Ibe niwe Nyasaye wanje, unzibaal'le okhukhola akobulalilo bubwo. Ukhol'le obulahi ma unyemel'le khunjila indahi.

¹¹Umbabine OMWAMI singa wasubisia okhukhola; mubulahi bubwo umbonie mumanyakhano kanje kosi!

¹²Khulwo buyanzibwo khu ise, wire abasuku banje, ma omume yabo bosi abasandianga ise, okhuba ndi omurumikhili uwo.