Read lunyore ETSISABURI 2 Bible Online

ETSISABURI 2 - lunyore bible

ETSISABURI 2

¹Busina abetsinzibulo tsindi bakholanga esikhu? Busina abandu baloosianga obusiemani bwabutswa?

²Abaruchi babwe bakholanga esikhu, ne abaami babwe baloosianga halala okhufukula OMWAMI, khandi okhufukula omuruchi owo MWAMI yahula.

³Baboolanga mbu: “Chende khweyahule okhurula khuburuchi bwabwe, chende khusuule obunyali bwabwe.”

⁴OMWAMI owikhaye mwikulu alabatsekha, khandi alabakokonyela.

⁵Ma alabachetsiyia mwirima lilie, nokhubarisia nobululu bubwe,

⁶OMWAMI aboolanga mbu, “Khusikulu sianje esitsienukhu Sayuni, mal'le okhwemekhela yo omuruchi wanje.”

⁷Omuruchi tsana aboolanga mbu, “Namboole ako MWAMI yalaka. Okhuba yambool'la mbu: ‘Ibe oli omwana wanje; leelo ngwiye papawo.

⁸Osabe, nase ndakhuhelesia abetsinzibulo tsindi bosi okhuba obulaame bubwo, ne esibala siosi silaba omwandu kukwo.

⁹Olabafunaka neindabusi yesibia, olabaaraka mubitonye singa indabu yelitoyi.’ ”

¹⁰Kho luno inywe abaami mube abachesi, Muhul'le lichetsiyio lino, inywe abaruchi besibala.

¹¹Murumikhile OMWAMI nimumuhelesia oluyali.

¹²Mutechele ma mumusikamile, khase alahambwa nelirima nenywe mulanguha okhutiba, sichila lirima lilie liatukhanga bwangu. Nabeikhabi yabo bosi abelukhilanga khuye okhusoolwa.