Read lunyore ETSISABURI 24 Bible Online

ETSISABURI 24 - lunyore bible

ETSISABURI 24

¹Esibala nende biosi ebilimwo nebio MWAMI. Liloba nende bosi abamenyelemwo nabaabo.

²Nyasaye yombokha esibala khulutungu lwamaatsi hasi weliloba, ma nayaba omuse kwasio mulutungu lweinyanza.

³Niwina oli nomunwa okhwanichila khusikulu sio MWAMI[2]? Niwina owakhenjila mu Hekalu yiye inzienukhu?

⁴Ni yabo abali abasiyikhu mubikhole nende mumwoyo, abarekayakayanga ebiniini, kata okhwesuha mubukaati tawe.

⁵OMWAMI yakhabalaamila ikhabi, nende okhubahonia, Nyasaye alababala okhuba abalunji.

⁶Abafwana mbwo nibo abetsanga khu Nyasaye, abetsanga imbeli wa Nyasaye wa Yakobo.

⁷Yalamie ebilibwa bienywe, mwikule emiliango mikhulu, ne Omuruchi wobukhongo alenjilamwo.

⁸Omuruchi wobukhongo tsana niye wina? Ye no MWAMI, omukufu khandi owobunyali, OMWAMI oli nobulechi mubulwani.

⁹Yalamie ebilibwa bienywe, mwikule emiliango mikhulu, ne omuruchi wobukhongo alenjilamwo.

¹⁰Omuruchi wobukhongo tsana niye wina? OMWAMI ohulanga amahe — niye omuruchi wobukhongo.