Read lunyore ETSISABURI 26 Bible Online

ETSISABURI 26 - lunyore bible

ETSISABURI 26

¹Oribule habulafu mbu ise mbula esikha, E OMWAMI, sichila kholanga akali amalunji khandi subilanga ibe kupu.

²Undeeme ma unjele E OMWAMI, okhalachile omwoyo kwanje nende amakani kanje.

³Obuyanzibwo oburalilu nibwo obunzemel'langa, menyanga nindi omusubilwa khuibe.

⁴Sinjendanga nende abandu ababehi tawe, kata sindasanga nabakalama tawe.

⁵Mbihil'lwanga omukanda kwabandu ababi, ninzikhala ehale okhurula khubabi.

⁶OMWAMI, ndasaaba amakhono kanje okhumanyia mbu mbula esikha, khandi ndabotokhana khulusambwa lulwo nisaayanga.

⁷Nyembanga olwembo lwokhukhupa embwo, nimboola khukokhuchenya aka wakhola.

⁸Nyanzisibwanga ne inyumba eyomenyangamwo E OMWAMI, habundu ahobukhongo bubwo bubetsanga.

⁹Oramuma halala naboni tawe; osoole obulamu bwanje khusibi siaberi —

¹⁰abandu abakholanga obubi tsinyinga tsiosi, khandi bali meso okhubukula ebihetso khasotso.

¹¹Nebutswa ise, kholanga akali habwene; umbeele tsimbabasi ma umbonie.

¹²Ndi nomulembe okhurula mumatinyu kosi; mwibukana liabandube nzitsoomianga OMWAMI.