Read lunyore ETSISABURI 27 Bible Online

ETSISABURI 27 - lunyore bible

ETSISABURI 27

¹OMWAMI niye obulafu bwanje khandi obuhoni bwanje; Narie wina? OMWAMI niye ousoolanga okhurula musibi siosi; Niwina owanourisie?

²Olwa abandu babi banyinjil'langa nibateema okhunzira, besiraalanga nibakwa.

³Kata abasikari bosi nibakhaafumbila, sindakhariakhwo tawe; kata abasuku nibakhanyinjil'la, ise ndatsilil'la okhusubila Nyasaye yenyene.

⁴Sabile OMWAMI ling'ana elala, elala lionyene nilio elianyenyanga: ndoole okhumenya munyumba yo MWAMI amatukhu kobulamu bwanje bwosi, ndole obulahi bwo MWAMI, nende okhukhaaba obwemeli bubwe.

⁵Munyinga tsiomunyakhano alambisa musiinikha siisie; alimbikha halahi hahe mu Hekalu yiye, alambikha khulwanda ahomulembe kuli.

⁶Kho ndakhatikulukhe okhuleka abasuku banje abafumbiye. Nambane omusango kwanje mu Hekalu yiyo namayoosi kobusangali obukali. Ndemba khandi ndetsoomia OMWAMI.

⁷Umbulile OMWAMI, olwa nanganga khuibe! Obe owetsimbabasi ma ungalusie.

⁸Olwa waboola mbu, “Mwitse okhundekayakaya.” Ndakalusia nimboole mbu, “Nanzitse OMWAMI;

⁹orebisa okhurula khu ise tawe!” Oramambila lirima tawe; Orakhunga omurumikhili uwo tawe. Ibe wabeyenje obukhonyi bwanje; orandekha kata okhunyanzukhila tawe, E Nyasaye, omuhoni wanje.

¹⁰Papa nende mama balanyanzukhila, nebutswa OMWAMI alandenda ise.

¹¹Unzibaal'le aka wenya ngakhole, OMWAMI, ma unyemel'le khunjila yomulembe, okhuba ndi nabasuku abenji.

¹²Orambaana mumakhono kabasuku banje, abanyinjil'langa nobukaati nende ebirisio tawe.

¹³Ise manyile mbu nambe mwoyo okhulola obulahi bwo MWAMI mubulamu bwa luno.

¹⁴Osubile OMWAMI! Obe nobusubili ne oresikoka tawe. Yee, osubile OMWAMI.