Read lunyore ETSISABURI 38 Bible Online

ETSISABURI 38 - lunyore bible

ETSISABURI 38

¹E OMWAMI, orangondekhela olwoli nelileko tawe; kata orambelesia esinyasio mwirimalio tawe!

²Usalisisie omubili kwanje netsisele tsitsio; ungokele hasi butinyu.

³Khulwe lirima lio, ndi mubusalili obukali; omubili kwanje kwosi kutekhelan'ne mubulwaye khulwe tsimbi tsianje.

⁴Mbilanwanga nomukhulula kwetsimbi tsianje, tsili omusiko omusiro okwa ranyala okhuchinga.

⁵Sichila ndabeye omuhingwa, amakhwaku kanje kahunyanga nikabola.

⁶Ndekot'te ma ndubuywe; ndekhuulanga om'basu kwosi.

⁷Omubili kwanje kwatukhanga khulwomurengo, ne ndesundanga ahembi khulufu.

⁸Mbweleleye ma ndubuywe tubu; omwoyo kwanje kunyakhananga, ne mbindanga mukhusalila.

⁹OMWAMI, ibe wamanya aka ndekombanga; ohulilanga okhubinda khwanje khwosi.

¹⁰Omwoyo kwanje kusimbanga, tsingufu tsianje tsihweye, netsimoni tsianje tsimwamiliye.

¹¹Abalina banje nabamenyani banje sibanyala okhwesunda ahembi n'nase tawe, khulwa amakhwaku kanje. Kata abeinyumba yanje banzilukhanga.

¹²Yabo abarunanga okhunzira barechekhelanga emibero, ne yabo abarunanga okhusaalisia barisianga nibaboola nabamale; basiemananga om'basu kwosi.

¹³Nebutswa ise ndi singa omusilu orahul'langa tawe, ndi singa omundu oli limuma oranyala okhul'loma.

¹⁴Ndi singa omundu oranyala okhukalusia ling'ana, sichila sanyala okhuhulila tawe.

¹⁵Nebutswa subilanga mu ibe E OMWAMI; nawe, E OMWAMI Nyasaye wanje olangalusia ise.

¹⁶Oralekha abasuku banje basangal'le esibi sianje tawe, oralekha bepaake khulwa okhukwa khwanje tawe.

¹⁷Ndi ahembi okhukwa, ne ndi mukhutsunwa khwa khasotso.

¹⁸Ndeyamanga tsimbi tsianje; tsitsusianga omwoyo kwanje musihenda mwoyo.

¹⁹Abasuku banje nabakhomefu khandi abakufu; baliho abenji abambihil'lwanga sila esifune.

²⁰Yabo abarunganga obubi khubulahi, baafukulanga sichila ndeemanga okhukhola akatooto.

²¹Oranzibil'la tawe, E OMWAMI, orekhala ehale n'nase tawe, Nyasaye wanje!

²²Witse bwangu, E OMWAMI omuhonia wanje!