Read lunyore ETSISABURI 39 Bible Online

ETSISABURI 39 - lunyore bible

ETSISABURI 39

¹Ndali okhuboola mbu, “Nandelinde mukosi akakhola, ne ol'limi lwanje lurachila khole tsimbi tawe. Sindakharalakhwo esindu siosi abandu babi nibali ahembi tawe.”

²Ndali okhusiling'ana, niraboolakhwo ling'ana, kata okhuboolakhwo liosi lilahi tawe! Nebutswa okhusaalila khwanje khwametekha okhusila,

³ma esihenda mwoyo nisitsula mumwoyo kwanje. Obwa ndakanakana nimbwo ndanyakhananga, Sindakhalekhele okhureeba mbu:

⁴“OMWAMI, nambe mwoyo okhwola lina? Nilina olwa ndakhafwe? Umbool'le olwobulamu bwanje bwakhaakame.”

⁵Ibe wimbichitisie amatukhu kobulamu bwanje! Amatukhu kobulamu bwanje sikali esindu imbeliwo tawe. Siahene omundu oli mwoyo afwana butswa omuya kwobusindu;

⁶afwana butswa esiinini. Kosi akakholanga nakabutswa; yebunjikhilanga obuhinda ne naramanya owakhabulie.

⁷Kho, nisina esia ndakhanaayakhwo, OMWAMI? Retsanga okhunaaya khwanje mu ibe.

⁸Umbonie mutsimbi tsianje tsiosi. Ne oralekha abahingwa banzekhe'le tawe.

⁹Nasiling'ane, ne sinamboolekhwo ling'ana liosi tawe, okhuba niwe owali okhunder'ra okhusaalila yikhu.

¹⁰Oramba esinyasio khandi tawe! Ndi ahembi okhufwa khulwetsimbasi tsitsio.

¹¹Ohaananga esinyasio khumundu khulwe tsimbi tsitsie nomukondokhela, ne singa amatsilili omululanga yako akaayanzanga. Siahene omundu ali butswa singa omuya kwobusindu!

¹²Hulila okhusaaya khwanje, OMWAMI, ma ohul'lisie okhulakaya khwanje; witse ukhonye olwa mbisianga omusika. Singa abakuka banje bosi, ndi butswa omucheniwo khubise bitititi.

¹³Undekhelekhwo obweyangu sienyene mbula ndabakhwo nobusangali nisili okhurula musibala ma sindibaho khandi tawe.