Read lunyore ETSISABURI 41 Bible Online

ETSISABURI 41 - lunyore bible

ETSISABURI 41

¹Bali neikhabi yabo abahendelanga ababisandu; OMWAMI yakhabakhonye nibali mumunyakhano.

²OMWAMI alabalinda nanunula obulamu bwabwe. Alabasangasia musibala; sialabebil'la nabahaana khubunyali bwabasuku babwe tawe.

³OMWAMI alabahabina mubulwaye bwabwe, ne alakalusia obulamu bwabwe.

⁴Ndali okhuboola mbu, “Ndakhwonela ibe, OMWAMI, umbeele tsimbabasi ma umbonie mubulwaye.”

⁵Abasuku banje baboolanga amanyeko khu ise, Benyanga fwe ma nzibil'lwe.

⁶Yabo abetsanga okhundola sibali abatooto tawe, babukulanga amang'ana amabi khu ise nibatsia okhukalandia.

⁷Bosi abambihil'lwanga bamonyananga amang'ana kanje, bambaal'langa amabi okhungwila.

⁸Baboolanga mbu, “Nomulwaye owokhufwa; siahene sialahona okhurula musitanda sisie tawe.”

⁹Kata omulina wanje mwene, owa ndasubila okhusila, uyo owasanga n'nase esiokhulia sianje, ungalukhan'ne.

¹⁰Umbeele tsimbabasi, OMWAMI ma okalusie obulamu bwanje, nase ndakharunga abasuku banje.

¹¹Sibalaasil'la khumurwe tawe, nase ndakhamanya mbu ibe osangasibwanga n'nase.

¹²Siahene olakhonya, sichila kholanga akahabwene; olambikha imbeliwo inziayo.

¹³Mwitsoomie OMWAMI, Nyasaye wa Isiraeli! Mumwitsoomie luno nende inziayo. Amina! Amina!