Read lunyore ETSISABURI 43 Bible Online

ETSISABURI 43 - lunyore bible

ETSISABURI 43

¹E Nyasaye, omanyie habulafu mbu ise mbula esikha, ma usoole musiina sianje khubandu baramanyile Nyasaye; Umbinie khubandu bobukaati nende ababi!

²Oli omulindi wanje: undekhele Busina? Busina nzilil'le okhusaalila khulwoburima bwabasuku banje?

³Rumila obulafu bubwo nende obwatooto bubwo, ma bibe ebinyala okhunzemel'la, bingalusie Sayuni, khusikulu sisio esitsienukhu, nende khu Hekalu yiyo eya wamenyamwo.

⁴Kho ise ndakhatsia khulusambwa lulwo E Nyasaye; oli obuchiakilo bwobusangali bwanje. Nakhupe obukhana nikhwembela tsinyembo tsiokhwitsoomia, E OMWAMI, oli Nyasaye wanje.

⁵Busina Ise ndi Omubelelu? Busina ise ndi nomunyakhano? Nare obunaayi bwanje khu Nyasaye, ma khandi namwitsoomie, sichila niye omuhonia wanje khandi Nyasaye wanje.