Read lunyore ETSISABURI 46 Bible Online

ETSISABURI 46 - lunyore bible

ETSISABURI 46

¹Nyasaye nobwikamilo bwefwe nende tsingufu tsiefwe, wayerechekha khasotso okhukhonya mutsinyinga tsia amanyakhano.

²Khulwe yako sikhunyala okhuria tawe, kata esibala nisiba sitechesibwa, ne ebikulu nibikwa mulutungu lwe inyanza;

³nohomba kata inyanza neba nehoola nende okhutubuukha ma ebikulu nibitekesibwa, khulwokhuhoola khwayo.

⁴Kuliho omuchela okuleeranga obusangali khwitookho lia Nyasaye, nende khunyumba inzienukhu eya Nyasaye we Ikulu.

⁵Nyasaye wamenya mwitookho imwo, ne litookho tsana siliakhasasibwe tawe; kata mumabwebwe aletsa okhulihabina.

⁶Abetsimbia bali noburi, ne amahanga kakwitsanga. Nyasaye ahukumanga singa likulu ne esibala nisikhamulukha.

⁷OMWAMI Wokhunyala Biosi ali n'nefwe: Nyasaye wa Yakobo niye okhusinganga ifwe.

⁸Mwitse mulole ako MWAMI akholele. Lole ebindu biokhuchenya ebiakhol'le khusibala.

⁹Yekal'langa amahe musibala siosi, afunakanga obuhingo nende amafumo, khandi ahambianga omul'lo mubikhumba.

¹⁰Yababool'la mbu, “Siling'ane tsi ma mumanye mbu ise ndi Nyasaye. Fumibwanga nabetsimbia, khandi fumibwanga khusibala siosi.”

¹¹OMWAMI Wokhunyala Biosi ali n'nefwe! Nyasaye wa Yakobo niye okhusinganga ifwe.