Read lunyore ETSISABURI 56 Bible Online

ETSISABURI 56 - lunyore bible

ETSISABURI 56

¹Umbeele tsimbabasi, E Nyasaye sichila mal'le okhuseerwa; abasuku banje bakhupianga esibi amatukhu kosi.

²Litukhu liosi abasuku banje banyinjil'langa. Baliho abenji abanwananga.

³Olwa mbetsanga noburi, E OMWAMI Wokhunyala Biosi, retsanga obusubili bwanje mwibe.

⁴Sindi noburi tawe sichila subilanga mu Nyasaye; mwitsoomianga khu kosi aka yasubisia. Nisina esiomundu namundu yakhukhola khu ise?

⁵Abasuku banje bander'ranga amanyakhano litukhu liosi; baloosianga obwa banyala okhuusalisia!

⁶Bebunjikhanga mwifwenyi, ma bahengelesianga siosi esiakholanga, nibanayanga okhunzira,

⁷E Nyasaye, obahelesie esinyasio khulwa amabi kabwe; oleke abandu yabo mwirima lilio.

⁸Ibe umanyile obwa nyakhananga; umanyilisisie obwa masika kanje kali amenji. Kosi sikahandikwa musitapu sisio?

⁹Litukhu elia ndikhulanga, abasuku banje bakhakalukhile emikongo. Manyile kano, sichila Nyasaye ali khulubeka lwanje.

¹⁰Niye OMWAMI, owanzitsoomianga amasubisio kaake.

¹¹Muye, subilanga, ne sindakharia tawe, Nisina esiomundu namundu yakhakhola khu ise?

¹²E Nyasaye, nakhuhelesie siosi esia ndakhwesuhila. Nakhuhelesie esihanwa sianje sietsimbasi,

¹³sichila waimbonia okhurula mulufu. Khandi waimbonia okhurula mukhulekwa. Khulwe yako njendanga imbeli wa Nyasaye, mubulafu obuhananga obulamu.