Read lunyore ETSISABURI 58 Bible Online

ETSISABURI 58 - lunyore bible

ETSISABURI 58

¹Inywe Abaami, mbula obukhalachi bwenywe bubetsangakhwo obulunji? Mbula mukhalachilanga abandu bosi habwene?

²Tawe! Mupaalanga khu mabi akamunyala okhukhola konyene, nende okhukhola indiri yobulwani musibala.

³Abandu ababi bakholanga obusiamu mubulamu bwabwe bwosi; baboolanga obubehi okhurula litukhu eliabebulwa.

⁴Baitsula nende obusungu singa tsinzokha; bekalanga amarwi kabwe singa imbulu yekala amarwi,

⁵erahul'langa omwoyo kwomuruchi wetsinzokha, nohomba okhwemba khwomufumu omuchesi.

⁶Mekula ameno ketsisimba tsindulu, E Nyasaye! Khuula ameno katsio E OMWAMI!

⁷Lekha tsikhamulukhe singa amaatsi akasundukhanga; lekha tsisenwe singa obulimo obwamela khunjila.

⁸Lekha babe singa likhwamanu elikhamulukhanga ndilekha obusandu inyuma; lekha babe singa omwana omutoro owibuywe nafwiye, oralolakhwo obulafu tawe. Baremul'lwe hasi singa obulimo

⁹nibasili okhumanyilisia; muburima bubwe, Nyasaye alabafuba ehale nibasili mwoyo.

¹⁰Abalunji bakhasangaale olwa balilola aboni nibahebwanga esinyasio, bakhachende ebilenje biabwe mumatsahi kababi.

¹¹Abandu bakhaboole mbu, “Abalunji baheywe esihanwa, khuli nende Nyasaye wokhukhalachila esibala.”