Read lunyore ETSISABURI 59 Bible Online

ETSISABURI 59 - lunyore bible

ETSISABURI 59

¹Usoole okhurula khubasuku banje, E Nyasaye wanje; usinge khu yabo bosi abanyinjil'langa.

²Usoole okhurula khubandu ababi; umbabine khubandu aberi.

³Lola! Balindil'langa okhunzira; abandu boburima yaba bebunjikhanga halala khulwo okhuufukula. Ne sikali khulwe tsimbi noho amasiamu aka ndakhola,

⁴nohomba esikha sianje omwene, E OMWAMI akachilanga nibahuchila okhutsia mubukono bwabwe tawe.

⁵Sinjila, OMWAMI Nyasaye wokhunyala Biosi, witse okhumbabina Omwene okalole, Nyasaye wa Isiraeli! Buukha ohaane esinyasio khubesibala; Orababeela abasiemani ababi tsimbabasi tawe.

⁶Bachelelanga khubwile, nibakhaasanga singa tsimbwa olwa bachendachendanga mwitookho.

⁷Hulila amanyeko kabwe nende amang'ana kokhuriisia. Tsinimi tsiabwe tsifwana tsing'anga muminwa chiabwe, ne bapaalanga mbu omundu siahul'langa akababoolanga tawe

⁸OMWAMI, ibe obatsekhel'langa, nende okhuseya abetsimbi bosi.

⁹Ise ndasubila mutsingufu tsitsio, sichila nimwiwe omwa tsilukhilanga E Nyasaye.

¹⁰Nyasaye wanje wainyanza ne aletsa okhukhonya! Alalekha ndole okhulekwa khwabasuku banje.

¹¹E Nyasaye, orabeera tawe, khase abandu banje balabebil'la. Obasalanie nobunyalibwo ma obaleke E OMWAMI, Omulindi wefwe.

¹²Tsimbi tsili khuminwa chiabwe, ne amang'ana kabwe kosi naketsimbi. Makano banyoolwa nibasili mumwekhonyo! Sichila balakanga esikala munwa siobubi nende okhubeha,

¹³obamume mwileko lilio, obere ma batibe kupu. Ne buli mundu alamanya mbu Nyasaye yamihanga Isiraeli, khandi oburuchi bubwe bwalanda esibala siosi.

¹⁴Abasuku banje bchelelanga khubwile, nibakhaasanga singa tsimbwa olwa bachendachendanga mwitookho,

¹⁵singa obwe tsimbwa tsichendachendanga nitsiruna ebiakhulia, ne nzihuma, olwa tsiranyoolanga ebiakhulia ebitsihela.

¹⁶Nebutswa ise nanyembe khuketsingufutsio, buli mutsuli nanyembenje nomwoyo omukali khu kobuyanzibwo oburalilu. Ibe oli obwilukhilo bwanje, obwilukhilo mumatukhu komunyakhano.

¹⁷Nakhwitsoomia ibe omulindi wanje. Obwikamilo bwanje ni Nyasaye, Nyasaye wainyanza.