Read lunyore ETSISABURI 64 Bible Online

ETSISABURI 64 - lunyore bible

ETSISABURI 64

¹Ndi mumanyakhano, Nyasaye — hulila obusaayi bwanje! Ise risibubwe nabasuku banje, ohonie obulamu bwanje.

²Usoole okhurula khubusiemani bwabandu babi, okhurula khumikanda chia abandu babi.

³Bayiakala tsinimi tsiabwe singa tsinganga, ne balengesia amang'ana kabwe amalulu singa tsisele.

⁴Babetsanga abangu okhusalaania amang'ana kabwe kobubehi sila es'simba murwe; bononianga abandu abalahi nende amang'ana amatofu kobubehi.

⁵Batsubananga abene khubene khubusiemani obubi! Baloosianga ha banyala okhura emireko. Baboolanga, “Abulaho onyala okhulola emireko yitsio.”

⁶Baloosianga amang'ana amabi, ma baboola, “Amabi kakhuloosisie okhukhola kali habwene.” Omwoyo kwomundu nende tsinganakani tsitsie nebiokhuchenyia.

⁷Nebutswa Nyasaye alasanga tsisele tsitsie khubo, ne buli khase tsibafumiranga.

⁸Alabamuma khulwamang'ana yako, bosi ababalola balasungusa emirwe chiabwe.

⁹Bosi nababe noburi; nabakanil'le khuka ka Nyasaye akhol'le, ma bal'lome khukebikholwa bibie.

¹⁰Abandu bosi abatsienukhu nabasangale khuko OMWAMI akhol'le. Nabanyoole obwikamilo mu MWAMI; abandu bosi abalahi nabamufumie.