Read lunyore ETSISABURI 7 Bible Online

ETSISABURI 7 - lunyore bible

ETSISABURI 7

¹E OMWAMI, Nyasaye wanje, nimwiwe omwa nzilukhilanga khulwo okhusoolwa; Umbonie ma usoole khu bosi abanondel'langa.

²Khase bakhambila ehale ahomundu wosi araliho owokhuusoola tawe. Ma barandule omubili kwanje singa esimba.

³E OMWAMI, Nyasaye wanje, nimba nikhol'le elala khu yaka: nimba nikholeye omundu wosi obubi,

⁴nimba nimusieman'ne omulina, kata okhunuula omusuku wanje esindu sila esikha,

⁵kho olekhe abasuku banje banondel'le ma bandiile; lekha baaremanie ma banzire, ma bandekhe hasi nifwiye!

⁶Obuukhe mwileko lio E OMWAMI! Osinjile okhwikal'la lirima liabasuku banje; obukhe ma usoole! Ibe orunanga akahabwene kakholwe,

⁷kho lekha abandu bosi bebunjikhe okhukhubotokhana, ma ibe obamihe okhurula mwikulu.

⁸Niwe omukhalachi wabandu bosi. Ukhalachile E OMWAMI okhulondokhana nobulunjikhu bwanje nende esilongole sianje esili mwise.

⁹Ibe oli Nyasaye wobulunji, ne oteemanga amapaalo kefwe nende emioyo chiefwe. Wikal'le obubi bwababi, ne obahe amatani yabo abali abalahi.

¹⁰Nyasaye nomusooli wanje; ahonianga yabo abamuhulilanga.

¹¹Nyasaye nomukhalachi omulunji, ne akhalachilanga ababi esiina khasotso.

¹²Nibarakalukhania tsinjila tsiabwe, Nyasaye alahiakala olukanga lulwe. Afumbanga obuyingo bubwe ma aburechekha.

¹³Arechekhanga ebilasan'nwe ebiochi okhusila, ma alomba tsisele tsitsie singa tsimbalukha tsiomul'lo.

¹⁴Lola, abandu babi bakanil'langa obubi, baloosianga okhukhola amabi nibaboola obubehi.

¹⁵Nebutswa omubero akwabarekelanga abandi kubatilanga abene.

¹⁶Kho obubi bwabwe abene bubahetsanga esinyasio, ne oburindi bwabwe bubasalisianga abene.

¹⁷Mboolanga embwo khu MWAMI khulwo obukhalachibwe obwa habwene, Nyembanga tsinyembo tsiokhwitsoomia khu MWAMI Oweikulu Okhusila.