Read lunyore ETSISABURI 76 Bible Online

ETSISABURI 76 - lunyore bible

ETSISABURI 76

¹Nyasaye wamanyikhana mu Yuda, eliiralie nelikhongo mu Isiraeli.

²Ehekaluye eli mu Yerusalemu; amenyanga khusikulu sia Sayuni.

³Habwene yaho yafunachilaho tsisele tsiabasuku, nafunaka ebikhumba biabwe nende tsinganga, yee, ebilasan'nwe biabwe biosi.

⁴Oli owoluyali olukali E Nyasaye! Oli owolukoosi olwa ochelelanga okhurula khubikulu okhwa walekela abasuku baabo!

⁵Abasikari babwe abalulu banul'lwe biosi ebia bali n'nabio, ne luno bakonanga tsindoolo tsiokhufwa; tsingufu tsiabwe tsiosi nende obusitsa bwabwe sibwali esindu tawe.

⁶Olwa wabarisia, E Nyasaye wa Yakobo, etsisululi tsiakwa nitsifwa halala nende abatsilusianga.

⁷Nebutswa ibe OMWAMI, oribwanga nende bosi. Abulaho owakhasinjila imbeliwo noli mwirima tawe.

⁸Ibe wamanyia obukhalachi bubwo okhurula mwikulu, esibala siaria ma nisisiling'ana,

⁹olwa ibe wasinjila okhuhaana obukhalachi, okhununula abasen'nwanga hasi bosi khusibala.

¹⁰Oburima bwabandu buhaananga butswa oluyali khuibe, yabo abakhahonokokha khulihe bakhetsul'la okhukhola amasaboko.

¹¹Ohaane khu MWAMI Nyasayewo akawamusubisia, muhaane ebihanwa khuye, inywe amahanga aka ahembi. Nyasaye achilanga abandu nibamuria;

¹²atutuyianga abaruchi abekhonyi, narisia Abaami abakhongo.