Read lunyore ETSISABURI 79 Bible Online

ETSISABURI 79 - lunyore bible

ETSISABURI 79

¹E Nyasaye, abekayakayanga ebiniini benjiliye esibalasio. Bafwabisie Ehekaluyo inzienukhu, ma balekhele Yerusalemu nilikwiye likunda.

²Balekheye etsisori emibili chiabandubo, khandi emibili chiabarumikhilibo balekheye tsisolo tsiomubulimo ekhutsilia.

³Baratsia amatsahi kabandubo singa amaatsi; amatsahi katsul'lukha singa amaatsi okhubir'ra mu Yerusalemu, ne abulaho owasikala okhuyabila abafu.

⁴Amahanga kakhubotokhana kakhunyekanga; bakhunyekanga ifwe nibakhukokonyela.

⁵OMWAMI, olakhuhambilanga lileko khulwe inziayo noho? Lilekolio lilatsilil'la okhwatukha singa omul'lo noho?

⁶Sukhania lilekolio ohenjie khumahanga akarakhwekayakayanga ibe, khubandu abarasaayanga khuibe.

⁷Okhuba ber're abandu baabo, bamumule esibala sisio.

⁸Orakhuha esinyasio khulwe tsimbi tsiabakuka befwe tawe. Okhubeele tsimbabasi luno; khukosisie obunaayi bwefwe.

⁹Okhuhabine, E Nyasaye ma okhusoole; okhununule ma okhusoole mutsimbi tsiefwe, khulwa oluyali lulwo ibe omwene.

¹⁰Busina amahanga kakhureebe ifwe mbu, “Nyasaye wenywe ali hena?” Khwenyanga khulole nohaananga esinyasio khumahanga, akaratsia amatsahi kabarumikhilibo.

¹¹Hulila okhubinda khwababohe, ne khulwo bunyalibwo obukhongo oboholole yabo abakhalachilwa okhufwa.

¹²OMWAMI, orunjie amahanga kandi esiakhane nakhataru khulwa amanyeko aka bakhunyeka ibe.

¹³Nilwo olwa nefwe, abandubo, amakondi kesiayo sisio, khulakhubool'la embwo inziayo, nikhukhwitsoomia mutsinyinga tsiosi etsiakhetse.