Read lunyore ETSISABURI 88 Bible Online

ETSISABURI 88 - lunyore bible

ETSISABURI 88

¹OMWAMI Nyasaye, omuhonia wanje, ndakayanga khuibe om'basu kwosi, ne mubutukhu nzitsanga khuibe.

²Hulila okhusaaya khwanje, hulila okhulakaya khwanje khwokhureeba obukhonyi!

³Amanyakhano amenji kabeye okhungwila, kata ndi ahembi okhufwa.

⁴Ndi butswa singa abandi abalindil'langa okhufwa, tsingufu tsianje tsiosi tsihweye.

⁵Ndalekhwa hakari habafu; ndi singa aberwa abakonanga mubilindwa, yabo abe ibe webil'la kupu, abaranyala okhunyoola obukhonyibwo.

⁶Ibe wayifuuba mubuko bwesilindwa esirambi, mubuko obumwamu t'ti khandi oburambi.

⁷Lileko lilio linyembel'langa khumabeka kanje, nase ndubuywe mumarunda kalio.

⁸Ibe uchil'le abalina banje banzilukhile; ukhol'le ise okhubaria. Nzikaliiywe ne sinyala okhwilukha tawe.

⁹Tsimoni tsianje tsihwelel'langa khulwe esibeela; sielitukhu nanganga khuibe OMWAMI, ninjinguula amakhono kanje khuibe mukhusaaya.

¹⁰Mbula okhol'langa abafu akamangalimwa noho? Bakhabuukhanga ma bakhufumia noho?

¹¹Obuyanzibwo oburalilu bwakhal'lomwakhwo musilindwa? Kata nohomba obusubilwabwo habundu hokhutiba?

¹²Akamangalimwako kakhalolekhakhwo musiilima, nohomba kata obulahibwo musibala esiebil'lwa?

¹³OMWAMI nanganga khuibe ukhonye; buli mukamba tsuli saayanga khuibe.

¹⁴Busina ibe usuulanga ise OMWAMI? Busina ukhupanga omukongo?

¹⁵Okhurula nindi omwana salilanga nimba ahembi okhufwa. Mbweleleye khulwo okhunyoola esinyasio sisio esikali.

¹⁶Lirimalio lilulu lindubuye, amakhupakoko amabi kamuluye kuru.

¹⁷Om'basu kwosi kambotokhananga singa ikhumaatsi; kanzitsilanga okhurula mumbeka tsiosi.

¹⁸Ibe uchil'le kata abalina banje bokhumwoyo banzilukhile, ma esiilima nisio omulina wanje yenyene.