Read lunyore ETSISABURI 90 Bible Online

ETSISABURI 90 - lunyore bible

ETSISABURI 90

¹E OMWAMI, ibe obetsanga obwilukhilo bwefwe amatukhu kosi.

²Nosili okhulonga ebikulu, nohomba okhulomba esibala nende liloba, walinji Nyasaye inziayo, khandi olabetsanga Nyasaye weinziayo.

³Obool'langa omundu akalukhe singa obwa yalinji; Omukalukhanianga nomukhola okhukwa olukhuukhi.

⁴Emihika elefu ndala khuibe tsili singa litukhu elala; tsili singa litukhu eliolwabeye elimal'le khubira, khandi singa esaa ndututu mubutukhu.

⁵Okhuhilanga ifwe ehale singa omukhulula kwamaatsi; khumenyanga singa amalooro. Khufwana singa obunyasi obuneranga mukamba tsuli,

⁶bukhulanga ma bwama amahuwa, ne khumukolooba bwamanga ma bufwa.

⁷Ifwe khusalisibwanga sichila lileko lioli n'nalio, khuli noburi obukali khwirima lilio.

⁸Ibe ureeye tsimbi tsiefwe imbeli uwo, Ureye tsimbi tsiefwe etsiamambiswi habundu honyala okhutsilola.

⁹Obulamu bwefwe bwatutuhibwa khulwe lirima lilio; bukhamulukhanga singa okhuhila ebiasi.

¹⁰Emihika echia khwahebwa namakhumi kane nakataru, nohomba emihika amakhumi munane nikali khuli netsingufu; nebutswa netsiokhukhuler'ra amanyakhano nende esibeela; ma obulamu buli ahembi okhuhwa ma khuruleho.

¹¹Niwina owahul'la obusiro bwobunyalibwe lirima lilio liosi? Niwina omanyilisianga singa lirima lilio linyala okhuleera oburi?

¹²Okhwekesie okhumanyilisia singa obulamu bwefwe buli obutititi, kho khube abachesi.

¹³Lirima lilio nalitsilil'le khulwo luhono sina? E OMWAMI beela abarumikhili baabo tsimbabasi!

¹⁴Okhwitsusie nobuyanzibwo oburalilu buli mukamba, kho khube abanyala okhwemba nende okhusangala mubulamu bwefwe bwosi.

¹⁵Okhuhelesie obusangali luno obuhelana nesibeela esiawali okhukhuhelesia, mumihika chiosi echiakhwali nesibeela.

¹⁶Lekha ifwe, abarumikhili baabo khulole akobunyali bubwo; lekha abetsukhulu befwe balole obukhongo bwobunyali bubwo.

¹⁷OMWAMI Nyasaye Wefwe tsikhabi tsitsio tsibetsenje khu ifwe. Okhuhelesie tsikhabi mukosi akakhukholanga!