Read lunyore ETSISABURI 91 Bible Online

ETSISABURI 91 - lunyore bible

ETSISABURI 91

¹Uyo wosi owilukhilanga khu MWAMI, uyo wosi oli hasi hobulindi obwe uyo Owokhunyala Biosi,

²anyala okhumubool'la mbu, “Ibe oli Musoli wanje khandi Omulindi wanje, Ibe oli Nyasaye Wanje wasubilangamwo.”

³Alakhubiikha halahi okhurula khumabi kosi akaralolekhanga, kata okhurula khu olumbe lwolufu.

⁴Alakhufunikha mumbaha tsitsie, olaba nomulembe hasi wobulindibwe, obusubilwa bubwe bulakhulinda nende okhukhusoola.

⁵Orabba nende oburi khumabi kosi akobotukhu, nohomba okhuseerwa khwamatetekhana akom'mubasu tawe

⁶nohomba olumbe olibuchaakanga musiilima, noho ebindu ebibi biosi ebiranga abandu m'mubasu.

⁷Abandu elefu ndala banyala okhufwila hasibafuho, ne abandi etsielefu likhumi bafwe ahembi, n'nawe nebutswa solasalilakhwo tawe.

⁸Olahenga ma olole singa ababi basalisibwanga.

⁹Ibe wahuchil'la OMWAMI okhuba Omulindi uwo, Oweikulu Okhusila niye omusooliwo.

¹⁰Kho esibi siosi sisilakhukwila tawe, kata obulwani bwosi sibwakhetsa ahembi nende hango uwo tawe.

¹¹Nyasaye alaruma abamalaika babe okhukhulinda mbu bakhulindenge hosi ahotsia.

¹²Balakhuchinga ikulu mumakhono kabwe, kho olekhe khwetuya ebilenje bibio khumachina.

¹³Olasen'na hasi etsisimba nende tsinzokha, kata esisimba tsirindi nende tsinzokha tsiobusungu.

¹⁴Nyasaye aboola mbu, “Nambahonie yabo bosi abanyanzanga, khandi nasoole yabo bosi abamanya ise singa OMWAMI.

¹⁵Nibakhananga ise, nase ndabakabusia, kata olwa bali mumanyakhano, nambe n'nabo. Nambasoole nende okhubaha oluyali.

¹⁶Ndabahelesia esihanwa siokhumenya emihika eminji; ma nambahonie.”