Read lunyore ETSISABURI 92 Bible Online

ETSISABURI 92 - lunyore bible

ETSISABURI 92

¹Nobulahi okhusila okhukhupila ibe embwo, E OMWAMI, nende okhwemba nikhukhuhelesianga oluyali, E Nyasaye Oweikulu Okhusila,

²nikhuribula habulafu obuyanzibwo oburalilu buli mukamba tsuli, nende obwatooto bubwo buli butukhu,

³halala nende obukhana bwetsinzika likhumi, nende amayoosi kelitung'u.

⁴Ebikholwa bibwo biobunyali, E OMWAMI, bimbelesianga obusangali; sichila akawakhola kachilanga ninyemba nobusangali.

⁵Mako obwe bikholwa bibio bili ebikali, E OMWAMI! Mako obwa amapaalo kaako kali ameinukhupo!

⁶Kano sikali akomuhingwa anyala okhumanya tawe; omundu omuhingwa sianyala okhukamanyilisia tawe;

⁷Omubi anyala okhukhula singa obulimo, yabo abakholanga amabi banyala okhumeetwa emiandu, nebutswa nabamumwe bosi pe,

⁸sichila, ibe, OMWAMI oli nobunyali khuyomba bosi inziayo.

⁹Khwamanya mbu abasuku baabo bakhafwe; ne ababi bosi bakhatibe.

¹⁰Waikhola okhuba netsingufu singa etsie imboko, wainamila ikhabi yobusangali.

¹¹Ise ndalola okhulekwa khwabasuku banje, khandi ndahulila okhulakaya khwabandu babi.

¹²Abalunji balameetekha singa emisaala chiamasindu, balakhuula singa emisaala tsiemisiita tsia Lebanoni.

¹³Bafwana singa emisaala echiarakwa munyumba yo MWAMI, etsikhulanga mu Hekalu ya Nyasaye wefwe,

¹⁴etsiamanga amatunde mubukhulundu bwatsio, khandi tsiamenyakhwo amasafu amabisi ma tsili netsingufu.

¹⁵Kano kamanyianga mbu OMWAMI nomukololokhu, khandi omulindi wanje sialikhwo nesikha tawe.