Read lunyore ETSISABURI 95 Bible Online

ETSISABURI 95 - lunyore bible

ETSISABURI 95

¹Mwitse, khwitsoomie OMWAMI! Chende khumwembele Nyasaye nobusangali sichila niye okhulindanga!

²Khwitse imbeli uwe nokhumukhupila embwo, nende okhumwembela tsinyembo tsiobusangali tsiokhumwitsoomia.

³Okhuba OMWAMI ni Nyasaye Wobunyali, nomuruchi wobunyali khubanyasaye bandi bosi.

⁴Yamihanga khusibala siosi, okhurula mutsinyanga tsiomukari, okhwola khubikulu ebirambi okhusila.

⁵Ye arukanga inyanza, eyomwene yalomba; nende esibala esiomwene yalomba.

⁶Yitse, khumusikamile nende okhumwekayakaya; khumusikamile OMWAMI, wefwe!

⁷Niye Nyasaye wefwe; nifwe abandu bo MWAMI ahendelanga; esiayo esiahetsanga ebiokhulia. Muhulile akaboolanga olwaleelo.

⁸“Murabba nemirwe emikali singa abakuka benywe bali olwa bali nibool'le Meriba, singa bali khwitukhu eliabanyasia musitsiimi sia Masa.

⁹Habwene yaho bambikha khwiteemo eliabali khundema, kata nikali bali nibalola akandabakhol'la.

¹⁰Khulwemihika amakhumi kane ndali ndachonya n'nabo. Ndaboola, ‘Abandu bano sibambetsanga oluyali tawe! Basuulanga okhulonda amalako kane.’

¹¹Ndali nelirima ma nindesuha mbu; ‘Inywe simwakhoolekhwo musibala esia ndakhamuheleye mwo abuhuluukhi tawe.’ ”