Read lunyore TSINJELO 12 Bible Online

TSINJELO 12 - lunyore bible

TSINJELO 12

¹Oba nayanzanga okhukol'losibwa ayanzanga obumanyi; ne obihil'lwanga okhukol'losibwa nomuhingwa.

²OMWAMI ayanzisibwanga nabandu abalahi, nebutswa akhalachilanga esiina yabo abaloosianga amang'ana amabi.

³Obusiamu sibuleranga omulembe tawe; ne es'sina siabalunji sisilasikukha tawe.

⁴Omukhasi omulahi nolusimbi khumusaatsa uwe; ne osimbianga omusaatsawe omurwe ali singa olufu olubosianga amakumba ke.

⁵Abalunji bakhol'langa abandu akahabwene, ne ababi esiabenyanga nokhukaata khwonyene.

⁶Amang'ana kababi nakobwiri, nebutswa amang'ana kabalunji kahonianga abali muburi.

⁷Ababi bakwisibwanga hasi, ne sibalekhangakhwo olwibulo tawe, nebutswa abetsinyumba tsiabalunji balatsilil'la okhuba mwoyo.

⁸Omundu aletsoomibwa khubuchesibwe singa obwabuli; ne ouli omuhingwa, alachaywa.

⁹Nobulahi okhuba wehasi otiyanga nanyoola esialia, okhuyomba okhwekhola omukali, ne nobula esiokhulia.

¹⁰Omundu omulahi ahendelanga emiruko chichie, nebutswa omundu omubi akhupianga emiruko tsie abwe esibi.

¹¹Omulimi otiyanga butinyu ali nebiokhulia ebinji; nebutswa nobuhingwa okhumal'la tsinyinga khusindu sibula obukhala.

¹²Abandu ababi bayanzanga esia banyala okhunyoola, khumabi kabakholanga nebutswa abalunji baralilanga.

¹³Omundu omubi atilwanga namang'ana kaake omwene, ne omulunji alehinia mumanyakhano omwene.

¹⁴Omundu alanyoola omukabwa khulwa, amang'ana aka aboolanga nende akakholanga.

¹⁵Abandu abahingwa bapaalanga khasotso mbu bali habwene. Abachesi bahuyianga khumebaalo.

¹⁶Obusinyikhi bwomuhingwa bumanyikhanga habwene nahabwene; ne omundu omuchesi achaayanga linyeko.

¹⁷Omukobokheli omusubilwa aboolanga akatooto, nebutswa omukaati aboolanga obubehi.

¹⁸Amang'ana kal'lomwanga sila inganakani kanyala okhufumira muusi singa olukanga ne akalomwanga nobuchesi kahonianga.

¹⁹Amang'ana katooto kalaralila inziayo; nebutswa obubehi sibumenyanga tawe.

²⁰Obukaati buli mumioyo chie yabo abalosianga amabi; ne abalosianga amalahi bali nobusangali.

²¹Amabi kosi sikalakwila abalunji tawe; nebutswa ababi balanyoola omunyakhano kwonyene.

²²OMWAMI abihil'lwanga ababooli bobubehi; nebutswa ayanzisibwanga ababoolanga nakatooto.

²³Omundu omuchesi abisanga akamanyile; nebutswa omuhingwa akambanga akaramanyile.

²⁴Obutiyi obutinyu bukhuhetsanga obunyali; ne obukara bukhukholanga omuhambe.

²⁵Esihenda mwoyo sikhuler'ranga esibeela; ne ling'ana lilahi likhusangasianga.

²⁶Omundu omulunji nomwemeli khubalinabe; ne injila yababi ebasiamianga.

²⁷Omuhitsi omukara siatilangakhwo inyama yosi tawe. Yabo abatiyanga butinyu balachesa emiandu eminji.

²⁸Injila yobulunji ekhuhelesianga obulamu, ne injila yamabii ekhuyilanga mukhufwa.