Read lunyore TSINJELO 29 Bible Online

TSINJELO 29 - lunyore bible

TSINJELO 29

¹Noba notinyia likosi buli lwosi olwo ochetsihibwanga, litukhu lindi nofunakwe ne sinohone tawe.

²Olwabalunji babetsanga mubunyali, abandu basangalanga. Nebutswa olwo omundu omubi yamihanga, abandu bakhupanga esibi.

³Oyanzanga obuchesi asangasinjia samwana; ne ochendanga nabatamba yononianga emianduchie.

⁴Olwomuruchi ahendelanga akatooto lihanga liralilanga, nebutswa uyo oyanzanga amapesa alikhwisinjia.

⁵Omundu obehelesianga owasie, arekanga omubero khubilenjebie.

⁶Abandu ababi batil'lwanga mutsimbi tsiabwe, ne abalunji bembanga nibasangala.

⁷Omulunji ahendelanga akabamanani bakwananga okhunyoola, nebutswa ababi sibali nokhumanyilisia yako tawe.

⁸Abeinzekhelesi benjisianga amatookho musibi; Nebutswa abandu abachesi baleeranga omuyela.

⁹Omundu omuchesi naba nayaalana nende omundu omuhingwa, omuhingwa atsekhanga butswa nalula ne narabuna tawe.

¹⁰Abali abangu okhuratsia amatsahi balechelesinjia orali nesikha, nebutswa abalunji basoolanga obulamu bubwe.

¹¹Abahingwa bamanyianga lirima liabwe liosi, nebutswa abachesi balikal'langa nibesimilisia.

¹²Omuruchi nareka amarwike okhuhulila amang'ana kobubehi, abakholibe bosi balaba ababehi.

¹³Omutakha nende uyo omusandianga bosi bahelana, mbu OMWAMI yabahelesia bombi tsimoni.

¹⁴Omuruchi okhalachilanga abatakha habwene; alaamiha khulweinziayo.

¹⁵Esiboko siokhukol'losibwa sihaananga obuchesi khubaana, ne omwana olekhwanga khububwe asimbinjia nyina omurwe.

¹⁶Olwababi babetsanga mubunyali, obubi bumeetekhanga. Nebutswa abalunji balalola okhukwa khwabandu singa yabo.

¹⁷Kol'losia abaanabo nawe olabasangal'langa khasotso.

¹⁸Aha obwemeli bwa Nyasaye burali, lihanga yilio silili mumalako tawe. Nabeikhabi yabo abafumilanga amalako ka Nyasaye.

¹⁹Omusumba womundu sianyala okhuchetsihibwa namang'ana ameele tawe; kata naba nakamanya sianyala okhukalonda tawe.

²⁰Koo; ololanga omundu orimukhanga mukhul'loma khukhwe noho? Omuhingwa ali nobunaayi okhuyomba omwene uyo.

²¹Omundu ohelesinjia omutiyiwe siesindu siayenya okhurula khubwanabwe; olunyuma yakhaleere esibeela.

²²Abandu boburima babusinjia obusoolo, khandi abandu belileko bachemanga tsimbi tsinyinji.

²³Esunga yomundu elamukalusia hasi, ne uyo owetutuyianga alanyoola oluyali.

²⁴Omundu ochendanga nende omwibi nomusuku wobulamubwe omwene. Ahulilanga ebilaka munwa ne siaribulanga ling'ana liosi tawe.

²⁵Okhuria akabandu bakhupal'langa, kakhuretsanga musibi, nebutswa noba nosubila mu MWAMI olaba mumulembe.

²⁶Abenji barunanga okhuyanzwa nende omuruchi; nebutswa OMWAMI niye ohaananga obukhalachi bwatooto.

²⁷Omundu omusiamu nes'sinyo khubalunji, ne oli omulunji naye nes'sinyo khubandu ababi.