Read lunyore OLWEMBO OL'LAHI OKHUSILA 6 Bible Online

OLWEMBO OL'LAHI OKHUSILA 6 - lunyore bible

OLWEMBO OL'LAHI OKHUSILA 6

¹Nihena ahomuyanzwa uwo atsiiye, ibe owelikondo lilahi okhusila mubakhasi? Khubool'le injila yomuyanzwa uwo alondeyekhwo, kho khube abanyala okhukhukhonya okhumukhaaba.

²Omuyanzwa wanje utsiye m'mukunda kukwe, ahemisaala etsihunyanga omwayo omulahi tsikhulanga. Yayanga esiayo sisie siamakondi mumikunda, khandi nabunjelesia amatanya.

³Omuyanzwa wanje nowanje, nase ndi ouwe, yaayanga esiayo sisie mumatanya.

⁴Ibe oli owelikondo singa Yerusalemu omuyanzwa wanje, khandi oli owokhuyanzisia singa litookho lia Tirisa,[2] khandi owokhuriitsia singa amatookho amakali.

⁵Hinia tsimoni tsitsio okhurula khuise. Tsikholanga okhufwana omuhambe. Tsikholanga okhufwana omuhambe. Liswi lilio litsalanga singa esiayo sietsimbusi tsikongomanga hasi webikulu bia Gileadi.

⁶Ameno kaako namalafu tser're singa esiayo siamakondi amalafu akamal'le okhusaabwa. Libulaho kata elala eliarula; kosi namahelanu khandi kahengana.

⁷Tsindama tsitsio tsiakhanga inyuma wesitambaya siokhumurwe.

⁸Nali abe nabakhasi amakhumi kasasaba nende abakhasi ababiikha amakhumi munane, ma nende abakhasi babuukha abaranyala okhubalwa tawe.

⁹Nebutswa ndayanza mulala yenyene, ne yanyanzisianga singa obwe likhuulwi linyanzisianga. Niye omukhaana omutelwa mubaana banyina, omwana owanyina yayanza okhuyomba abandi. Abakhasi bosi bamuhenganga ma bamwitsoomia. Abakhaye bomuruchi nende abakhasibe ababiikha nabo bembanga tsinyembo nibamwitsoomia.

¹⁰“Niwina uyo ohenganga singa isi elabulukhanga? Owokhurisia singa abasikari betsipendela. Nowolukoosi singa okhwesunda khwetsinyininyini.”

¹¹Ndali okhutsia khumukundakwe tsimbabasi, okhulola ebiraakwa ebisili ebitititi mwibanda. Okhulola amasafu amayia khumiseituni, emiseituni emisabibu nichiakhola khandi okhulola esimuli sia matunde.

¹²Ndechelanga sichila ibe uchil'le mbe nobwekombi bwobuyanzi. Singa obwomwilusi wamakaari kobulwani yekombanga okhulwana.

¹³Kalukha, kalukha, ibe omukhaana wa Shulamu, kalukha, kalukha, kho khukhuhengekhwo. Nisina esichilanga nimwenya okhumenga ise, olwa abahenganga khubusalami obuli imbeli wemikanda chibili echiabasikari: