Read lunyore OLWEMBO OL'LAHI OKHUSILA 8 Bible Online

OLWEMBO OL'LAHI OKHUSILA 8 - lunyore bible

OLWEMBO OL'LAHI OKHUSILA 8

¹Bwakhabeye bulahi olaba singa omusiani wefwe, owanuuna khulubeele lwamama wanje, nilwo olwa ndakhakhutsunzuun'ne, khumihanda, ma abuleho owakhalol'le obubi.

²Ndakhakhuhila munyumba ya mama wanje, aha wakhanyal'le okhunzekesia amang'ana kobuyanzi, ndakhakhuheye ewaini echokelwemwo ebinzari, ewaini yamakomamango kanje mbu onywe.

³Omukhonokwo omukhasi kulet'te omurwe kwanje, ne nakwo omukhonokwo omusaatsa kufumbel'langa.

⁴Muusubisie inywe abakhaana ba Yerusalemu, mbu sinamukoyaniekhwo obuyanzi bwefwe tawe.

⁵Niwina ula owitsanga okhurula musitsiimi natil'lane nomuyanzwawe? Ndali okhukhubuusia noli isi womusaala kwelitunde ahamamawo yali okhukhubelekhela, ahe uyo owali neinumwa yali okhukhwibul'la.

⁶Khulwobuyanzibwo umbiikhe mumwoyokwo singa omuhuri. Khandi umbiikhe khumukhonokwo singa omuhuri. Obuyanzi buli netsingufu singa okhufwa, okhwekomba nokhukufu singa okhufwa khwene, bwatukhanga omul'lo omukali ma busamba singa olumemo lwomul'lo.

⁷Amaatsi amenji sikanyala okhusimia obuyanzi tawe. Kata emikhula chiamaatsi sichinyala okhubuhilana tawe. Nebutswa omundu wosi naba naleema okhukula obuyanzi nemianduchie, es'simba murwe nisio esiayakhanyoola sionyene.

⁸Khuli nambootswa omutititi, ne tsimbeeletsie tsisili okhurula. Nisina esia nakhukhol'le mbotswa olwomusiani nayetse okhumuhamba?

⁹Niyakhabeye lisiisi khwakhombokhele khuye omunaara kwefetsa, neyakhabeye esilibwa khwakhamubotokhanisiekhwo tsimbao tsiomusiita.

¹⁰Ise ndi lisiisi, netsimbeele tsianje nitsio omunaara kwalio. Omuyanzwa wanje umanyile mbu nindi n'naye, nyoolanga okhwehul'la bulahi nende omulembe.

¹¹Solomoni yali nende omukunda kwemisabibu habundu halangwa Baali Hamoni. Baliho abalimi abakukombolanga okhurula khuye; siamulala khubo arunganga etsisilingi elefu etsisilingi ehelefu ndala.

¹²Omukunda kwanje kwemisabibu kuli imbeli wanje kho Solomoni ibe obe netsihelefu tsitsio. Ne abalimi bakwo babe netsimia tsibili singa omukabwa kwabwe.

¹³Nyenyanga okhuhulila omwoyokwo okhurula mumukunda ibe owandayanza. Abalina banje balindil'langa okhuhul'la nol'loma.

¹⁴Yitsa khu ise ibe owandayanza singa etsisausu, khandi singa epuri inyana eyayanga khubikulu okhwa ebihunyanga bulahi bimelanga.