Read lunyore ISAYA 27 Bible Online

ISAYA 27 - lunyore bible

ISAYA 27

¹Khwitukhu yilio, OMWAMI alabukula olukangalwe olwochi khandi olwobunyali nalurumikhila okhuhaana esinyasio khu Lewiatsani, nayo neinzokha ingali emoolanga niyebonzokola. Khandi OMWAMI aleera okuyokha okumenyanga mumaatsi.

²Khwitukhu yilio OMWAMI yakhaboole kano khumukundakwe omulahi okwemisabibu:

³“Ise nindanga omukunda kwanje ningusama amaatsi buli khase. Ngulindanga obutukhu nom'mbasu mbu omundu arakwononia tawe.

⁴Ise sisili noburima khumukunda yikwo tawe. Nebutswa nikuba nikwakhabamwo amarakalu nebisisia, nilwo olwa ndakhakulwana n'nabio ma nimbisamba biosi p'pe.

⁵Nebutswa abasuku babandu banje nibakhenya mbu mbasoole, okhwola balombe omulembe n'nase. Yee, okhwola balombe omulembe n'nase.”

⁶Mumatukhu aketsanga, abandu ba Isiraeli, abali abetsukhulu ba Yakobo bakharalile butinyu singa emisi chiomusaala, balamulikha singa esimuli nibasebukha. Esibala sileetsulamwo nebiamo biabwe.

⁷OMWAMI asili okhuhaakhwo khu Isiraeli esinyasio esikali singa esia yahelesia abasuku ba Isiraeli tawe, kata Abaisiraeli sibakosiakhwo abandu abenji singa abasuku babwe tawe.

⁸OMWAMI yahaana khubandube esinyasio khulwokhubahila mubuhambe musibala sindi. Yali okhubahila nomuyeka omuyu p'pa okhurula ebukwe.

⁹Nebutswa Isiraeli elalekhelwa tsimbi butswa olwa amachina ketsisambwa tsiabandu abanasibala kaseebwa singa olukuukhi, khandi Olwetsisambwa tsiobwali nende ebiniini biomunyasaye mukhasi Ashera bihiinibwaho.

¹⁰Litookho eliasirwa noluhinga limenyanga niliasasikha. Abandu beelukhilemwo ma balilekhele singa esitsiimi esikhaya. Likwiye obwayilo bwetsing'ombe ahatsinyala okhuhulukhila nitsiayaho obunyasi.

¹¹Tsisaka tsiemisaala tsiniala nitsifunikha, ne abakhasi batsirenya singa tsikhwi. Khulwa mbu abandu sibamanyilisianga esindu siosi tawe, Nyasaye omulonji wabwe sialababeela kata okhuba netsimbabasi khubo tawe.

¹²Khwitukhu yilio, okhurula Efurate okhwola khulwakho lwe Misiri, OMWAMI alabunjelesia abandube buli simulala, singa omundu yeluulanga ingano okhurula khumukhuutsi.

¹³Olwelitukhu yilio liakhoole, olwika lwakhakhupe okhulanga Abaisiraeli bosi abali mubuhambe Asiria nende Emisiri okhuchelela ingo. Bakhetse ne bakhekayakaye OMWAMI khusikulusie esitsienukhu esili Yerusalemu.