Read lunyore ISAYA 58 Bible Online

ISAYA 58 - lunyore bible

ISAYA 58

¹OMWAMI aboolanga mbu, “Hanzuukhe butinyu singa obwa munyala! Bool'la abandu banje ba Isiraeli aketsimbi tsiabwe!

²Bo bandekayakayanga sielitukhu, nibaboola mbu bali nesinani okhumanya tsinjila tsianje nokhufumila amalako kanje. Baboolanga mbu benyanga ise mbahe amalako akahabwene khandi mbu basangal'langa okhundekayakaya.”

³Abandu bareebanga mbu, “Busina khuhonge okhulia OMWAMI naba narakhulolanga? Busina khubule okhulia OMWAMI naba narabukulanga mwo obuha?” OMWAMI ababool'langa mbu, “Akatooto kali mbu amatukhu kamuhonganga okhulia, murunilisianga akobwenyi bwenywe abene ne nimukhupia abakholi benywe esibi.

⁴Okhuhonga okhulia khwenywe khumukholanga okhuba abarindi ne mulembananga nimulwana. Khe mupaalanga mbu okhuhonga okhulia okhufwana yikhu khwakhachila mbulile amasaayo kenywe?

⁵Olwa muhonganga okhulia, mwesalisianga butswa abene, mwinamianga hasi emirwe chienywe singa lisaafu liobulimo, nimwala hasi tsingubo tsiamatasi nende likokhe khulwo okhukonakhwo. Yikhwo nikhwo okhwamulanganga okhuhonga okhulia? Inywe mupaalanga mbu ndakhasangal'la amang'ana yako noho?

⁶“Okhuhonga okhulia okhwa nyenyanga khwokhuno: Mukatule eminyol'lo chiokhusandia abasienywe nende likokolo liobusiamu ma mulekhe yabo abasandibwanga babe abalakhuule.

⁷Mulie ebiokhulia bienywe nende yabo abali neinzala khandi mwinjisie mutsingo tsienywe abatakha abarali netsinyumba tsiabwe. Muhaane tsingubo khu yabo ababula n'natsio, ne murasuula okhukhonya abekho benywe tawe.

⁸“Kho nilwo olwe esirenda sianje silaakha khwinywe singa eliuba liamukamba tsuli, ne tsinguma tsienywe tsilahona bwangu. Ise nambetsenje ninenywe khasotso khulwo okhumuhonia, nambetsenje n'nenywe okhumusoola mumbeka tsiosi.

⁹Olwa musaaya, ndamukalusia, ne olwa muunanga ndahuchil'la. “Nimuba nimwakhalekha okhusandia abasienywe, nimulekha okhuhenga abasienywe obubi khandi nimulekha sieling'ana liosi elibi;

¹⁰nimwakhaha abali neinzala ebiokhulia nimuhesisia abandu akabatakhanga, kho esiilima esimubotokhan'ne yisio silakalukhanibwa okhuba obulafu bwomumubasu hakari.

¹¹Ne namwemel'lenje lwosi niimwitsusia nende ebindu biosi ebilahi. Namukufuhasienje nimukhola abalamu. Namube singa omukunda okuli nende amaatsi amenji, khandi singa esitaho siamaatsi esirakhamanga tawe.

¹²Abandu benywe balombokha obuhia amasisi akali nikakwa khale, balombokha khumisinji emikhulu. Mulamanyikha singa abandu abakalukhila okhwombokha amasisi, abakalusia mung'ono tsinyumba etsiali nitsiakwa amahindi.”

¹³OMWAMI aboolanga mbu, “Nimuba nimukhola litukhu lie Sabato okhuba litukhu litsienukhu ne nimuraruna akelienya lienywe abene khwitukhu yilio tawe, nimuba nimubala litukhu lianje litsienukhu nimulifumia khulwo okhubula okhutsia oluchendo kata okhukhola emilimo nohomba kata okhul'loma akarakwan'ne khwitukhu yilio,

¹⁴kho mulanyoola obusangali oburulananga khuburumikhi bwenywe khu ise. Namukhole okhuba aboluyali musibala siosi ne namuyanzisibwe nesibala esia ndali okhuha kuka wenywe Yakobo. Ise OMWAMI mal'le okhuboola.”