Read lunyore ABALAWI 11 Bible Online

ABALAWI 11 - lunyore bible

ABALAWI 11

¹OMWAMI yahelesia Musa nende Haruni amalako kano

²khulwa Baisiraeli okhulonda. Munyala okhulia inyama yosi eyamenya khusibala esiomu

³eye tsimbakayu tsiabukhanamwo hali khabili khandi enyanyanga ekamula.

⁴Nebutswa muralia tsingamia, amachenieli nohomba ebipwoyo tawe. Tsinyama yitsi tsibalwanga okhuba etsiomusilo, sichila tsinyanyanga ekamula ne tsimbakayu tsiatsio sitsiayabukhanamwo khabili tawe.

⁵

⁶

⁷Muralia tsimbitsi tawe. Tsibalwanga okhuba etsiomusilo sichila tsimbakayu tsiatsio tsiayabukhanamwo khabili nebutswa sitsinyanyanga ekamula tawe.

⁸Murakhaliakhwo tsinyama yitsi tawe, kata okhutiila khumibili chiatsio nitsifwiye tawe sichila netsiomusilo.

⁹Munyala okhulia isutse yeimbila yosi elikhwo esibehe nende amakamba,

¹⁰nebutswa esindu siosi esimenyanga mumaatsi esiralikhwo esibehe nende amakamba sirakhalibwakhwo tawe.

¹¹Tsinyama tsie imbila yiyi netsiomusilo. Muratsiliakhwo nohomba murakhatiila khumibili chiatsio nitsifiye tawe.

¹²Murakhaliakhwo esindu siosi esiamenya mumaatsi nisiralikhwo esibehe nende amakamba tawe.

¹³Murakhaliakhwo amanyonyi singa kano tawe: tsinditsu, amakhuule,

¹⁴amakhongotsa, tsikhwambu,

¹⁵etsipata, etsisori,

¹⁶amakhokho, amahuto,

¹⁷amanyonyi komumaatsi, etsikhonye, amahungu,

¹⁸amanabulobi, amanakha,

¹⁹amakuyi, ebichiechie nohomba amanyinya.

²⁰Ebikooko biosi ebili netsimbaha nebiomusilo,

²¹nibirali yibio ebirumachilanga.

²²Munyala okhulia tsisiche, obwonya nende amatete.

²³Nebutswa ebikoko bindi ebitititi ebili netsimbaha khandi ebimoolanga nebiomusilo.

²⁴Omundu wosi owakhatiila khumibili chietsinyama etsifwiye alaba mumusilo litukhu liosi okhwola mukolooba:

²⁵omundu wosi owakhachinga emibili chietsinyama yitsio nitsifiye okhwola asaabe tsingubo tsitsie, nebutswa alaba owomusilo okhwola mukolooba kwelitukhu yilio.

²⁶Tsinyama tsiosi etsie tsimbakayu, netsiomusilo, nitsirali yitsio etsietsimbakayu tsiabukhanamwo khabili khandi etsiliitsanga ekamula. Omundu wosi owakhatsitiilakhwo alaba mumusilo.

²⁷Khandi tsinyama tsiosi etsiebilenje bine etsichendelanga amakhumbu netsiomusilo.

²⁸Omundu wosi owakhatiila khumibili chietsinyama etsifwiye alaba mumusilo okhwola mukolooba.

²⁹Tsino natsio khandi netsiomusilo khwinywe khu ebimoolanga: Tsifukho, amachungu, tsimbeba nende amasili amakali,

³⁰amasiakali, amakhumbachila, tsinyambu, nende amabongobongo.

³¹Uyo wosi oba nabitilakhwo nohomba natiila khumibili chiabio nibifwiye okhwola abe owomusilo litukhu yilio okhwola mukolooba.

³²Ne emibili chiebindu yibio nibifwiye nichietilakhwo khusindu siosi, esindu yisio siakhaba esiomusilo. Kano kali khubindu biosi singa olukhwi, ingubo, liseelo, nohomba likunia, kata libe ndirumikhilwanga okhuchinga esindu siosi. Okhwola liinwe mumaatsi ma libe eliomusilo litukhu yilio okhwola mukolooba.

³³Ne emibili chiabio nichiakhakwa mundabu eyalongwa khwitohi, esindu siosi esili mundabu y'yo silaba esiomusilo ne okhwola warake indabu y'yo.

³⁴Ne nikaba amaatsi okhurula mundabu yimwo kakhasundukha khusiokhulia esiabandu banyala okhulia, kho esiokhulia yisio siakhaba esiomusilo, ne esindu siosi esiakhanywebwa okhurula mundabu iyi nesiomusilo.

³⁵Esindu siosi esiemibili chifiye yitsio tsiakhakwakhwo siakhaba esiomusilo, kata niliakhaba lichiiko nohomba amahika okhwola biarakwe,

³⁶nebutswa esitaho nohomba liyabo elilimwo amaatsi lilaba butswa lisiyikhu nikarali esindu sindi siosi esiakhetila khumibili chiebifwiye silaba esiomusilo.

³⁷Ne silala khubifwiye nisikwa khu imwo yokhuraakwa, imwo iyo esili butswa isiyikhu.

³⁸Nebutswa nikali mbu imwo iyo yinikhilwe mumaatsi, ne silala khubifiye nisikwakhwo, imwo iyo neyomusilo.

³⁹Omuruko kwosi okwokhulibwa nikwakhafwa, omundu wosi owakhatilakhwo yakhaba owomusilo litukhu yilio okhwola mukolooba.

⁴⁰Ne omundu wosi niyakhaliakhwo esitonye siomuruko okufwiye okhwola asaabe tsingubo tsitsie, nebutswa alaba owomusilo litukhu yilio liosi okhwola mukolooba; omundu wosi owakhachinga omuruko okufwiye okhwola asaabe tsingubo tsitsie nebutswa abalwa okhuba owomusilo litukhu yilio okhwola mukolooba.

⁴¹Murakhaliakhwo esolo yosi indititi emoolanga hasi tawe,

⁴²kata ebe nemoolanga nohomba nechendanga khubilenje bine nohomba neli nebilenje ebinji.

⁴³Orekhola owomusilo okhulwo khulia silala khubiene yibi tawe.

⁴⁴Ise ndi OMWAMI Nyasaye uwo, kho okhwola obe omutsienukhu sichila Ise omwene ndi omutsienukhu.

⁴⁵Ise nise OMWAMI owakhuhiinia Emisiri kho mbe onyala khuba Nyasaye wenywe. Okhwola mube abatsienukhu sichila Ise ndi omutsienukhu.

⁴⁶Lino nilwo lilako elil'lomanga khuketsinyama, amanyonyi nende khusiesindu siosi esimenyanga mumaatsi khandi siesindu siosi esichendanga khusibala esiomu.

⁴⁷Okhwola mube abanyala okhwabukhania hakari webindu ebisiyikhu nende ebiomusilo khandi mube abanyala okhwabukhania hakari wetsinyama etsinyala okhuliibwa nende tsinyama etsiranyala okhuliibwa tawe.