Read lunyore ABALAWI 12 Bible Online

ABALAWI 12 - lunyore bible

ABALAWI 12

¹OMWAMI yahelesia Musa amalako kano

²khulwa Abaisiraeli okhulonda. Khulwa amatukhu kane nakataru omukhasi namal'le okhwibula omwana omusiani, nabetsenje owomusilo singa obwa abetsanga owomusilo amatukhu akabetsanga nahenjele ebukwe.

³Litukhu liamunane, omwana okhwola asebwe.

⁴Kho omukhasi owibuye uyo alameeta okhumenya amatukhu kandi amakhumi kataru nakataru nasili okhusiiywa okhurula khukhuraatsa amatsahi; mumatukhu yako arakhatilakhwo khusindu siosi esitsienukhu tawe, kata arakhenjilakhwo Mwiheema litsienukhu tawe, okhwola olwa amatukhu kokhusiiywa kaba nikahweye.

⁵Khulwa amatukhu likhumi nakane omukhasi namal'le okhwibula omwana omukhaana nabetsenje owomusilo singa obwa abetsanga owomusilo amatukhu akabetsanga nahenjele ebukwe. Kho alameetakhwo amatukhu kandi amakhumi kasasaba nakasasaba nasili okhusiiywa okhurula khukhuraatsa amatsahi.

⁶Amatukhu kaake kokhusiiywa nikahweye, kabe akomusiani nohomba akomukhaana okhwola omukhasi uyo ahil'le omwesaalisi habwinjil'lo bwe Liheema liokhubaho khwo MWAMI esimeme sielikondi siomuhika mulala khulwo omusango kwokhusambwa nende likhuulwi nohomba esituka khulwo omusango kwetsimbi.

⁷Omwesaalisi yeetsa okhuhaana omusango kwomukhasi uyo khu MWAMI ma akhole omulukha kwokhumuhinia mumusilo kwamatsahi, naye alaba omusiiyikhu. Kano niko akenyekhanga omukhasi akhole namal'le okhwibula.

⁸Omukhasi narali namapesa kahela okhukula esimeme sielikondi, okhwola ahaane amakhulwi kabili nohomba ebituka b'bili, silala khulwo omusango kwokhusambwa ne esindi khulwo omusango kwetsimbi ne omwesaalisi yetsa okhukhola omulukha kwokhumuhinia mumusilo naye alaba omusiiyikhu.