Read lunyore YEREMIA 39 Bible Online

YEREMIA 39 - lunyore bible

YEREMIA 39

¹Mumwesi kwelikhumi mumuhika kwakharano nakhane mumatukhu ka Sedekia yali omuruchi wa Yuda, omuruchi Nebukadinesa wa Babulonia yetsa nabasikari baabe bosi ma naseera Yerusalemu ma nibalifumbila.

²Litukhu liakharano nakhane mumwesi kwakhane mumuhika kwelikhumi nal'lala olwa Sedekia yali niyamihanga, amasisi akali nikasira litookho kali okhufunakwa.

³Olwa Yerusalemu liafumilwa, abemeli bosi abomuruchi wa Babulonia betsa ma nibekhala musilibwa sia Hakari: Nabo bali Neregali Sareseri, Samugari Nebo, Sarisekimu Omurabusari nende Neregali Sareseri Omurabumagi halala nabemeli bandi bomuruchi wa Babulonia.

⁴Olwomuruchi Sedekia halala nabasikari baabe balola akali nikekholekhanga, bateema okhwebisa okhurula mwitookho mubutukhu. Barul'la khunjila ebir'ranga khumukunda kwomuruchi, nibabir'ra musilibwa sihambanianga amasisi kabili ma nibebisila okhutsia khunjila ehengele mwibanda lia Yorodani.

⁵Nebutswa abasikari ba Babulonia babalondel'la okhwola olwa bafumil'la Sedekia ahembi Yeriko. Ma nibamuhila khumuruchi Nebukadinesa, owali nali mwitookho lia Ribula mulusoma lwa Hamatsi ne yaho Nebukadinesa nakhalachila Sedekia esiina.

⁶Habundu halangwa Ribula Nebukadinesa yer'ra ho abasiani ba Sedekia olwa, Sedekia mwene yali nareyekhwo imoni, khandi yera abemeli ba Yuda.

⁷Olunyuma lwe yako yachomola tsimoni tsia Sedekia ma nalaka abohwe neminyol'lo ma ahilwe Babulonia.

⁸Olwe yako kali nikekholekhanga Abababulonia basamba inyumba yomuruchi halala netsinyumba tsiabandu bandi ma khandi nibatuya lisisi liasira Yerusalemu nilikwa hasi.

⁹Mukhumal'likha Nebusaradani, omukali wa basikari, yabukula abandu bosi abali nibasikaye mwitookho nabahila Babulonia singa abasumba halala nende yabo abali nibelukhile okhwitsa khuye.

¹⁰Yalekha musibala sia Yuda abandu abali abatakha okhusila, abaralikhwo nemianduchiosi ma nabahelesia emikunda chiemisabibu nende emikunda chindi.

¹¹Nebutswa omuruchi Nebukadinesa nalaka Nebusaradani, omukali wabasikari okhuhaana amalako kano:

¹²“Tsia orune Yeremia ma omukhol'le akali amalahi. Orakhamusalisiakhwo tawe, nebutswa omukhol'le kosi akayakhenya.”

¹³Kho Nebusaradani halala nabakhongo bandi bano mbu: Nebushasibani nende Negali Sareseri nende abakhongo bandi abomuruchi wa Babulonia,

¹⁴nibandera okhurula mumukitsi kwehango homuruchi. Bali okhura mubulindi bwa Gedalia omusiani wa Ahikamu, omwitsukhulu wa Safani, owali okhulola mbu ise nzol'le ingo sila amanyakhano kosi tawe. Kho ndamenyayo mubandu yabo.

¹⁵Olwe ise Yeremia ndali nisili mubuhambe mumukitsi kwomuruchi, OMWAMI yambool'la

¹⁶okhubool'la Ebedimeleki omu Etsiopia mbu OMWAMI Wokhunyala Biosi, Nyasaye wa Isiraeli yali okhuboola mbu, “Singa obwa ndali okhuboola, nzitsanga okhuleera amanyakhano khwitookho yili tawe emiandu. Ne olwe yaka nakakholekhe nobe noliho nokalolanga.

¹⁷Nebutswa ise OMWAMI nakhusoole, ne ibe sinoreebwe mumakhono kabandu boli noburi n'nabo tawe.

¹⁸Nakhulinde bulahi ma sinawirwe tawe. Nohonokosie obulamu bubwo sichila wara obusubili bubwo mu ise. Ise, OMWAMI mal'le okhuboola.”