Read lunyore YEREMIA 47 Bible Online

YEREMIA 47 - lunyore bible

YEREMIA 47

¹Omuruchi we Misiri nasili okhuseera Gasa, OMWAMI yal'loma n'nase khumang'ana ka Bafilisiti.

²Yaboola mbu, “Lola! Amaatsi kasenukha elubeka lwenandete, ne ketsa okhutsia bwangu singa omuchela kwomukhula. Ketsa okhufuunikha esibala nende ebindu biosi ebilimwo, amatookho nende abandu bamenyele muko. Abandu nabalangisie nibareebanga obukhonyi; buli mundu khusibala nalakaye bululu.

³Nabahul'le okhwetuya khwetsimbakayu tsietsisululi, okhukangabana khwa makaari, nende okhukongoma khwemigurudumu. Abebuli sinabakhupe amasemo khubaana babwe tawe. Amakhono kabwe nakelele sila tsingufu.

⁴Inyinga yokhumulula Abafilisiti yool'le, ohwikal'la obukhonyi bwosi obuba nibwasikala Tiro nende Sidoni. Ise, OMWAMI, nzia okhumulula Abafilisiti bosi abetsa okhurula khuluchinga lwa Kurete.

⁵Okhubeleela okhukali khwitsiye abandu ba Gasa, ne abandu ba Ashikeloni bali masilisi. Abandu bandi ba Filisiti nabekhuule khulwa luhono sina?

⁶Mulakayanga butinyu mbu, ‘Olukanga lwo MWAMI! Notsilil'le okhuremula khulwoluhono sina? Kalukha muluhola lwolukanga lulwo, wikhalemwo nohuluukha!’

⁷Ne lwakhahuluukha mbwena olwamba ninduheye emilimo chiokhukhola? Mal'le okhululaka okhuseera Ashikeloni, nende abandu abamenya khuluchinga lwe inyanza.”