Read lunyore ESEKIELI 15 Bible Online

ESEKIELI 15 - lunyore bible

ESEKIELI 15

¹OMWAMI yal'loma n'nase.

²Yaboola mbu, “Omwana womundu, omusaala kwomusabibu kuyombelanga omusaala kundi kwosi nabulahi sina? Kata olusaka lwomusabibu luyombelanga sina emisaala chiomutsuru?

³Mbula tsimbao tsiakwo tsiakhaba tsindahi okhulombwakhwo esindu siosi noho? Mbula abandu bakhanyala okhukulombakhwo esikuru siokhusungakhwo esindu siosi noho?

⁴Yikwo nomulahi khulwokhubwan'na omul'lo. Ne olwomul'lo kusambanga enamurwe nende enasitakho, ma esitonye sihakari sioma; kho nisina esiawakhalomba khukwo?

⁵Lola, olwa kwali nikusili okhusambwa, sikwali okhunyala okhurumikha khumulimo kwosi tawe. Ne luno olwomulilo kumal'le okhukusamba ma kukwiye amanda, sikwakhanyala omulimo kwosi kwosi tawe.”

⁶Khulwe yako, kano niko ako MWAMI Nyasaye aboolanga: “Singa omusaala kwomusabibu kuhinibwanga mumisaala chiomumitsuru, ma kusambwa mumulilo nimbwo nambukule abandu abamenyanga mu Yerusalemu

⁷ma nambahe esinyasio. Bali okhuhonokokha khumul'lo kwokhuranga, nebutswa luno omul'lo kundi nakubasambe. Olwa nambahe esinyasio, ibe nomanye mbu ise nise OMWAMI.

⁸Khandi nakhole esibala okhuba esitsiimi sichila abandu sibali abasubilwa khu ise tawe.” OMWAMI Nyasaye umal'le okhuboola.