Read lunyore ESEKIELI 2 Bible Online

ESEKIELI 2 - lunyore bible

ESEKIELI 2

¹Kwambool'la mbu: “Omwana womundu ibe, sinjila, nyenyanga okhul'loma n'nawe.”

²Ne olwo omwoyo tsana kwali nikusimbool'la mbwo, Omwoyo wa Nyasaye yenjila mu ise ma niyasinjisia. Omwoyo okwandali nimbuliye nikutsilil'la okhumbool'la mbu:

³“Omwana womundu ibe, khurumanga khubandu ba Isiraeli. Bamal'le okhukhol'la induli, khandi baikhupa omukongo, ne bakholanga induli singa abakuka babwe bakholanga okhwola khwitukhu lino.

⁴Abandu tsana khandi nabemirwe emitinyu ne sibambetsanga oluyali tawe, kho khurumanga khubo obabool'le ake ise OMWAMI Wokhunyala Biosi mbabool'langa.

⁵Ne nikali bahul'la nohomba basuula okhuhul'la, (okhuba bo nabeinyumba ye induli) bakhamanye mbu omuroobi yabeyengeho mubo.

⁶“Ne nawe, omwana womundu, orabbaria kata okhuria amang'ana kabwe tawe. Nabakhufukule ibe nende okhukhuchiaya; nofwane singa omenyanga mumakatia. Ne kata mbwo orabbaria kata okhuria amang'ana kabwe tawe, okhuba baabo nabeinyumba yeinduli.

⁷Ibe obabool'le butswa akakhuhetsanga okhubabool'la kata nibaba nibahul'la nohomba nibasuula okhuhul'la. Witsul'le mbu bo nabandu beinduli okhusila.

⁸“Nebutswa ibe, omwana womundu, ohulile akakhubool'langa. Orabba oweinduli singa abandu yaba tawe. Ikula omunwa kukwo ne olie esianzia okhukhuha.”

⁹Ne olwa ndahenga, ndalola omukhono nikunyil'lwe nguhengele khu ise, ne kwali nikufumiye esitapu sia Nyasaye.

¹⁰Omukhono yikwo kwasifuunula ne nase nindola mbu amapapulo kasio kali nikahandikwa tsimbeka tsiosi amang'ana kokhulakaya khwesibeela, nende okhwekhuula nokhubinda khwali nikhwahandiikwamwo.