Read lunyore ESEKIELI 33 Bible Online

ESEKIELI 33 - lunyore bible

ESEKIELI 33

¹OMWAMI yal'loma n'nase.

²Yaboola mbu, “Omwana womundu, bool'la abandu baabo esimalanga siekholekha olwanderanga lihe khusibala. Abandu besibala yisio beelanga omundu okhurula mubo abene abe omulindi.

³Olwalolanga omusuku niyetsa, ne akhupa olwika khulwakhuchetsiyia abandu bosi.

⁴Ne omundu naba nahul'la olwika nilukhupanga, nebutswa abule okhubukulamwo obuha, ma omusuku yetse ma mwire, khe omwene niye onyala okhwetula khulwokhufwa khukhwe.

⁵Okhufwakhwe nobusiamubwe omwene, sichila siyabukula obuha mwichetsiyio tawe. Alaba niyabukulamwo obuha, khane yali okhwehonokosia.

⁶Nebutswa nikakhaba mbu, omulindi yakhalola omusuku niyetsanga ne narakhupa olwika tawe, ma omusuku yetse ma nayere yabo abakholanga etsimbi, kho ndakhatula omulindi uyo khulwokhufwa khwabwe.

⁷“Ne luno ibe omwana womundu, khukholanga obe omulindi welihanga lia Isiraeli. Okhwola obahil'le lichetsiyio liakhuhelesia.

⁸Nimba nimboola mbu omundu mubi atsitsanga okhufwa, nebutswa noramuchetsiyia asukhanie tsinjilatsie khe abe onyala okhuhonia obulamubwe, siahene ye alafwila mutsimbi tsitsie, ne niwe owa nandule khulwokhufwakhwe.

⁹Ne noba nochetsiyia omundu mubi ne naralekha okhukhola tsimbi, siahene ye nafwile mutsimbi tsitsie, nebutswa obulamu bubwo nabuhonibwe.”

¹⁰OMWAMI yal'loma n'nase naboola mbu, “Omwana womundu, bool'la Abaisiraeli akabene baboolanga yaka mbu, ‘Tsimbi tsiefwe nende obubi bwakhakhola biakhusitohela. Khuhwelel'langa nikhutsia! Khwakhanyala mbwena okhumenya?’

¹¹Babool'le mbu ndesuuhanga singa obwe ise OMWAMI Nyasaye ndi Nyasaye oli mwoyo, sisangalanga okhulola owetsimbi nafwa tawe. Ndakhekomba okhumulola nalekha okhukhola tsimbi ma amenye. Isiraeli, lekha obubi bwokholanga. Busina wenyanga okhufwa?

¹²“Luno omwana womundu, bool'la Abaisiraeli mbu olwomundu mulahi akholanga tsimbi, obulahi bwayakhola sinabumuhonie tawe. Omundu omubi nalekha okhukhola obubi, sianyala okhuhebwa esinyasio tawe, ne omundu omulahi nachaaka okhukhola tsimbi, siyakhabula okhufwa tawe.

¹³Nyala okhusubisia obulamu khumundu omulahi, nebutswa nachaaka okhupaala obulahi bubwe obwabira buhel'le ma achiake okhukhola tsimbi, sindakhetsul'le kata elala khumalahi kayakhola tawe. Yakhafwe khulwe tsimbi tsitsie.

¹⁴Nyala okhuchetsiyia omundu omubi mbu atsitsanga okhufwa, nebutswa naba nalekha okhukhola tsimbi ma nakhola akali akahabwene nende amalahi

¹⁵kali singa mbu naba nakalusia esihambil'lo esiayabukula khulwe likobi nohomba naba nakalusia esiayali okhwiba, naba nalekha okhukhola tsimbi ma nalonda lilako elihaananga obulamu, siyakhafwa tawe, nebutswa yakhamenya.

¹⁶Ndakhamubeela tsimbi tsiayakhola, ma yakhamenye sichila umal'le okhukhola akali akahabwene nende amalahi.

¹⁷“Ne abandu baabo baboolanga mbu ake Ise OMWAMI kholanga sikali akahabwene tawe! Tawe, injila yabwe niyo erali eyahabwene.

¹⁸Olwomundu omulunji alekhanga okhukhola bulahi ma achiaka okhukhola obubi, nafwe khulwobubi bubwe.

¹⁹Olwomundu omubi alekhanga okhukhola tsimbi ma akhola akali akahabwene nende amalahi, abetsanga nahonisie obulamubwe.

²⁰Nebutswa Isiraeli muboolanga mbu ake ise kholanga sikali akahabwene tawe. Nzitsanga okhumukhalachila okhulondokhana nende aka mukholanga.”

²¹Khwitukhu liakharano khumwesi kwelikhumi mumuhika kwelikhumi nakhabili okwokhwatisibwa khwefwe, omundu owali nahonokokhele okhurula Yerusalemu yetsa niyambool'la mbu litookho liali nililekelwe.

²²Khumukolooba litukhu yilio nilisili okhwola ndali nimbuliye obunyali bwokhubaho khwo MWAMI mumubili kwanje. Olwomundu tsana yoola omukamba kwalondakhwo, OMWAMI yangaluchisia obunyali bwokhul'loma.

²³OMWAMI yal'loma n'nase.

²⁴Yaboola mbu, “Omwana womundu, abandu abamenyanga mumatookho akamumwa akomusibala sia Isiraeli baboolanga mbu, ‘Aburahamu yali butswa omundu mulala, ma yahebwa esibala siosi. Khulimwo abandu abenji, kho luno esibala nesiefwe.’

²⁵“Babool'le ake Ise OMWAMI Nyasaye mboolanga; Mulitsanga inyama nesilimwo amatsahi. Mwekayakayanga ebiniini. Mwiranga. Nisina esimukholanga okhupaala mbu esibala nesienywe?

²⁶Musubilanga mutsinganga tsienywe. Ebikholwa bienywe nebies'sinyo. Siomundu akholanga obuheyi. Nisina esimukholanga okhupaala mbu esibala nesienywe?

²⁷“Babool'le mbu Ise OMWAMI Nyasaye, mbachetsiyianga mbu siahene singa obwe ise ndi Nyasaye oli mwoyo, abandu abamenyanga mumatookho akamumwa naberwe. Yabo abamenyanga musibala nabalibwe nende tsinyama nabulimo. Yabo abebisanga mubikulu nende mutsinyanga nabafwe khulwo obulwaye.

²⁸Naakhole esibala okhukwa likunda, ne obunyali obwa bali okhwelol'lakhwo nabwole khusihesi. Ebikulu bia Isiraeli nabibe esitsiimi ma omundu wosi siyakhabe onyala okhuchenda nabir'ra khubio tawe.

²⁹Olwa nambaane esinyasio khubandu khulwe tsimbi tsiabwe ma nakhole esibala okhuba esiele, nilwo olwa nabamanye mbu ise nise OMWAMI.”

³⁰OMWAMI yaboola mbu, “Omwana womundu, abandu baabo bal'lomanga khuibe olwa bakan'nanga ahembi khumasisi kelitookho nohomba mubwinjil'lo bwetsinyumba tsiabwe. Babool'lananga omundu nowasie mbu, ‘Chende khutsie khuhul'le ning'ana sina elimal'le okhwitsa okhurula khu MWAMI luno.’

³¹Khe abandu banje bebunjikhile okhuhulila ake ibe oboola, nebutswa sibakhola aka obabool'la bakhole tawe. Amang'ana kobuyanzi kali muminwa tsiabwe nebutswa batsilil'langa nende tsinjila tsiabwe etsiobuhwolu.

³²Khubo oli butswa singa omukhupi wobukhana owembanga tsinyembo tsiobuselelani nohomba omukhupi welilele butswa. Bahulilisianga amang'ana kaako kosi ne kata sibahuchil'langakhwo elala khuko tawe.

³³Nebutswa olwamang'ana kaako kosi kakhekhole, ne siahene kakhekhole, nilwo olwa bakhamanye mbu omuroobi yabeyenje mubo.”