Read lunyore ESEKIELI 46 Bible Online

ESEKIELI 46 - lunyore bible

ESEKIELI 46

¹OMWAMI Nyasaye aboolanga mbu, “Obwinjil'lo bwebukwe okhutsia mumukitsi kwomukari okhwola bwikalwe mumatukhu kasasaba akokhukhola emilimo, nebutswa kube omwalamu mwitukhu lie Sabato nende elie Lisabo Liomwesi Omuyia.

²Omusiani womuruchi narule m'mukitsi kwesioba okhutsia musikoti siomubwinjil'lo esili hasilibwa ma asinjile khusibafu siemisaala chiesilibwa olwabesaalisi basisamba emisango chichie nichili emichima nende okhuhaana omusangokwe kwobuhambani. Yaho musilibwa okhwola yekayakaye ma atsie esioba khandi. Esilibwa sirekalwa tawe okhwola khumukolooba.

³Buli litukhu lie Sabato nende buli Lisabo Liomwesi Omuyia, abandu bosi khandi bakwana okhwinama hasi nibekayakaya OMWAMI imbeli wesilibwa.

⁴“Khwitukhu lie Sabato omusiani womuruchi akhoya aleere khu MWAMI, amakondi kasasaba nende limiiku elala, kosi nikarali nobulema bwosi singa omusango kwokhusambwa nikuli omuchima.

⁵Ne khubuli limiiku akhoya aleere omusango kwobuswache okuhela etsiliita likhumi natsine natsitaru nende enusu ne khubuli likondi akhoya aleere siosi esiayenya okhuhaana. Khubuli omusango kwobuswache akhoya okhuleera etsiliita tsitaru tsiamafura komuseituni.

⁶Khwisabo Liomwesi Omuyia ahaane echulukhi esikhula, amakondi kasasaba, nende limiiku, kosi nikarali nende obulema bwosi tawe.

⁷Ne khubuli echulukhi nende khubuli limiiku omusango kukhoya okhuba etsiliita tsiobusie likhumi nende tsine natsitaru nende enusu, ne khubuli esimeme esihanwa sikhoya sibe siosi esiomuruchi yakhenya okhuhaana. Etsiliita tsitaru tsiamafura komuseituni kakhoya kahanwe halala nende omusango kwobuswache singa yikwo.

⁸Omuruchi okhwola arule musikoti esiomubwinjil'lo ma atsie esioba neinjila indelwa eya yali okhwinjil'lakhwo.

⁹“Olwabandu betsanga okhwekayakaya OMWAMI buli khwisabo liosi, yabo abenjilanga okhubir'ra musilibwa siesinyolu bakhoya barul'le musilibwa sienandete olunyuma lwokhwekayakaya, ne yabo abenjil'la musilibwa sienandete bakhoya barul'le musilibwa siesinyolu. Abulaho uyo owakharula esioba munjila indelwa eya yenjiliyekhwo, nebutswa okhwola arul'le musilibwa sielubeka undi.

¹⁰Omuruchi akhoya okhwinjila olwa abandu betsanga, ma arule olwa baba nibarula.

¹¹Khumatukhu ke Lisabo nende mumasabo kosi, omusango kwobuswache nakubetsenje etsiliita likhumi nende tsine natsitaru nenusu halala nechulukhi ndala nende limiiku elala nende siosi esiomwekayakayi yakhenya okhuhaana ne simeme silaba Etsiliita tsitaru tsiamafura komuseituni tsikhoya okhuhanwa halala nomusango kwobuswache.

¹²“Olwomuruchi yenya okhuhaana omusango kwobwehaani khu MWAMI kata nikali nomusango kwokhusambwa nikuli omuchima nohomba nomusango kwobuhambani, esilibwa siebukwe esiomukari mwomukitsi sikulwe khulwaye. Akhoya okhuhaana omusango munjila indelwa singa obwakholanga mwitukhu lie Sabato, ne esilibwa sikhoya okhwikalwa olunyuma lwokhurula.”

¹³OMWAMI aboolanga mbu, “Buli mukamba tsuli likondi liomuhika mulala elirali nobulema bwosi likhoya okhusambwa nili lichima singa omusango khu MWAMI. Omusango yiku okhwola kukholwe bulitukhu

¹⁴khandi omusango kwobusie okuhela etsikilo tsibili okhwola kuhanwe buli mukamba, halala nende eliita ndala yamafura ko museituni khulwokhutsokanibwa nende obusie. Amalako kemisango yitsi khu MWAMI kakhoya okhulondwa khulwe inziayo.

¹⁵Likondi, obusie nende amafura komuseituni bikhoya okhuhanwa khu MWAMI buli mukamba khulwe inziayo.”

¹⁶OMWAMI Nyasaye alakanga mbu: “Nikaba omuruchi yakhahaanakhwo liloba liosi eliali n'nalio khumulala khubasianibe singa esihanwa nalibe eliomusiani singa omukabwa kwemianduchieinyumbaye.

¹⁷Nebutswa nikaba omuruchi yakhahaanakhwo esitonye siosi esielilobalie khumundu wosi ouli muburumikhibwe, silaba omwandu kwomuruchi khandi olwomuhika kwamakhumi karano kuba nikwol'le. Nokukwe, ma niye yenyene nende abasiani babe abanyala okhukubukula kupu.[9]

¹⁸Omuruchi siakwan'ne okhubukula esindu siosi esili omwandu okwabandu bandi tawe. Liloba liosi eliahaana khubasiani baabe okhwola lirule mumukunda okwarebwa khuliiralie, khe mbu alekhe okhusandikhwo wosi khubandu banje khulwo okhubukula omukunda kwabwe tawe.”

¹⁹Ma omundu tsana yamala yambile mubwinjil'lo bwomubikoti abuhenjele esinyolu ahembi nesilibwa esili elubeka lwenandete esio mumukitsi kwomukari. Yibi nebikoti ebitsienukhu khulwa besaalisi. Yaamanyia habundu elubeka lwemasaba lwebikoti

²⁰ma naboola mbu, “Hano niho habundu habesaalisi bakwan'ne okhutekhela inyama ehan'nwe singa omusango kwetsimbi nohomba ehan'nwe singa omusango kwokhurunga ebirarungwa. Khandi noho aha bakwan'ne okhutekhela emisango chiobusie kho mbu esindu esitsienukhu silekhe okhuchingwakhwo nisihilwa mumukitsi kwesioba, ahasinyala okhusaalisia abandu.”

²¹Khe yambila mumukitsi kwesioba ma niyambisisia hakari mbu wetsikona tsine tsiomuchitsi ma niyamanyia mbu mubuli olubeka l'lala lwomukitsi kwalimwo omukitsi kundi omutititi okwali noburambi obuhela etsimiita amakhumi kabili ne obuchiikha obuhela etsimiita likhumi natsirano.

²³Buli omukitsi kwali nende lisisi lielichina tsimbeka tsiosi, nende habundu homul'lo ahombokhwa khwisisi tsana.

²⁴Omundu tsana niyambool'la mbu, “Yitsi netsichikoni aha abakholi bomu Hekalu batekhelanga emisango chiabandu bahaananga.”