Read lunyore YONA 3 Bible Online

YONA 3 - lunyore bible

YONA 3

¹Kandi OMWAMI nal'loma khu Yona.

²Yaboola, “Tsia Nineve, litookho likhongo lila, ma okambe khubandu amang'ana akakhuhelesisie.”

³Kho Yona yahulila OMWAMI ma natsia Nineve, litookho likhongo okhusila eliamubukula amatukhu kataru okhulikhalania hakari.

⁴Yona yachaaka okhubir'ra mwitookho, ne olunyuma lwokhuchenda litukhu liosi yakamba naboola, “Mumatukhu amakhumi kane aketsanga Nineve nalibe nilimumilwe!”

⁵Abandu ba Nineve basubila amang'ana ka Nyasaye. Kho bachooma mbu siomundu ahonge okhulia, ma abandu bosi okhurula khumukali okhwola khumuti, bebiikha tsingubo tsiamatasi okhumanyia mbu barul'le mutsimbi.

⁶Olwa omuruchi wa Nineve yakahul'la, yasinjila okhurula mundebeye yoburuchi nahinia ekanzo yolwami, niyebiikha ingubo yamatasi ma niyekhala hasi mwikokhe.

⁷Yaruma amalandio khubandu bosi aba Nineve naboola, “Yili nelilako okhurula khumuruchi nende abakhulundube; omundu araliakhwo esindu siosi tawe, abandu bosi, tsing'ombe, nende amakondi bekaliywe okhulia nende okhunywa.

⁸Abandu bosi nende emiruko okhwola bebiikhe tsingubo tsiamatasi. Simulala okhwola asaaye butinyu khu Nyasaye khandi okhwola alekhe tsifwotsie tsimbi nende ebikholebie eb'bi.

⁹Haundi Nyasaye nakalukhanie amapaalo kaake; haundi nalekhe okhuba nelirima, ma nakhubule okhufwa!”

¹⁰Nyasaye yalola akabakhola, nalola mbu bali nibalekhele tsifwo tsiabwe tsimbi. Kho yasukhania amapaaloke ma nalekha okhubaha esinyasio singa yali nabooye nakhole.