Read lunyore OBUBALI 26 Bible Online

OBUBALI 26 - lunyore bible

OBUBALI 26

¹Ne olwolumbe olwali okhwira abandu, lwali nilulekhele okhubeera, OMWAMI yabool'la Musa nende Eliasa omwana wa Haruni omwesaalisi mbu,

²“Mubale omukanda kwosi kwabandu ba Isiraeli abasaatsa, okhurula khubemihika amakhumi kabili okhutsia ikulu; mubilibwa biabwe, bosi abahel'le khulwana lihe mu Isiraeli.”

³Abaisiraeli bali nibakhomele ekambi yabwe musipaazi sia Moabu ahembi nomuchela kwa Yorodani injelekha wa Yeriko Musa nende Eliasa omwesaalisi babool'la abandu ako MWAMI yali nababooleye

⁴ma nibalanga abandu halala abali abemihika yitsio. Yali okhubabala singa butswa yali nakhol'le. Olwa Abaisiraeli abali nibarul'le musibala sie Emisiri.

⁵Abolwibulo lwa Rubeni omwana wa Yakobo owokhuranga ebilibwa bia Rubeni biali: Hanoki, Palu,

⁶Hesironi, nende Karimi.

⁷Ebilibwa yibio biali nabandu etsielefu amakhumi kane natsitaru, tsimia tsine natsitaru namakhumi kataru.

⁸Ne omusiani wa Palu yalangwa Eliabu,

⁹ne abaana ba Eliabu bali, Nemueli[10], Datsani, nende Abiramu. Yabo nibo Datsani na Abiramu, abemeli abelwa nomukanda. Bahingana nende Musa nende Haruni ma nibeyonga mumukanda kwa Kora, olwa bakhol'la Nyasaye induli.

¹⁰Liloba liekukha ma nilibamila, ne bali okhufwa halala nende Kora nomukanda kukwe, olwomul'lo kwamulula abandu etsimia tsibili namakhumi karano, ma nibaba lichetsiyio khubandu.

¹¹Nebutswa abaana ba Kora sibafwa tawe.

¹²Ebilibwa biolwibulo lwa Simioni biali Nemueli, Yamini, Yakini,

¹³Sera, nende Shuali.

¹⁴Yibio nibio ebilibwa bia Simioni, abandu etsielefu amakhumi kabili natsibili netsimia tsibili.

¹⁵Ebilibwa biolwibulo lwa Gadi biali: Sefoni, Hagi, Shuni,

¹⁶Osini, Eri,

¹⁷Arodi, Areli.

¹⁸Ebilibwa biali nabandu etsielefu amakhumi kane netsimia tsirano.

¹⁹Ebilibwa biolwibulo lwa Yuda biali Eri nende Onani. Ne Eri nende Onani bafwila musibala sia Kanaani.

²⁰Ne abaana ba Yuda bandi mubilibwa biabwe bali Shela, Peresi, Sera,

²¹Hesironi, nende Hamuli.

²²Abandu bosi abebilibwa bia Yuda bali etsielefu amakhumi kane nakataru natsisasaba netsimia tsirano.

²³Abolwibulo lwa Isakari mubilibwa biabwe bali: Tola, Puwa,

²⁴Yashubu, nende Shimironi.

²⁵Abandu bebilibwa bia Isakari, bali etsielefu amakhumi kasasaba natsine netsimia tsitaru.

²⁶Abolwibulo lwa Sabuloni mubilibwa biabwe bali: Seredi, Eloni, nende Yaleeli.

²⁷Abandu bosi abebilibwa bia Sabuloni, bali etsielefu amakhumi kasasaba tsimia tsirano.

²⁸Olwibulo lwa Yosefu owali samwana Manase nende Efuraimu abasiani babili.

²⁹Abolwibulo lwa ba Manase mubilibwa biabwe bali: Makiri, ne Makiri yeebula Gileadi;

³⁰Abaana ba Gileadi mbabano; Yeseri[11], Heleki,

³¹Asirieli, Shekemu,

³²Shemida, nende Heferi.

³³Ne Selofehadi omwana wa Heferi siyali no mwana omusiani wosi tawe, habula abakhaana bonyene; ne amera kabakhaana ba Selofehadi ngakano mbu: Mala, Noa, Hokila, Milika nende Tirisa.

³⁴Abandu bosi abebilibwa bia Manase bali etsielefu amakhumi karano natsibili tsimia tsine natsitaru.

³⁵Abolwibulo lwa Efuraimu mubilibwa biabwe bali: Shutsela, Bekeri, nende Tahani.

³⁶Shutsela yali samwana Erani.

³⁷Abandu bosi abebilibwa biolwibulo lwa Efuraimu bali etsielefu amakhumi kataru natsibili netsimia tsirano. Yibio nibio ebilibwa biabaana ba Yosefu.

³⁸Abolwibulo lwa Benjameni mubilibwa biabwe bali: Bela, Ashibeli, Ahiramu,

³⁹Shefufamu, nende Hufamu.

⁴⁰Ne ebilibwa bia Aridi nende Naamani biarul'la mulwibulo lwa Bela.

⁴¹Abandu bosi abebilibwa bia Benjameni bali etsielefu amakhumi kane natsirano netsimia tsisasaba.

⁴²Abolwibulo lwa Dani mubilibwa biabwe bali: Shuhamu,

⁴³bosi abesilibwa sia Dani bali etsielefu amakhumi kasasaba natsine netsimia tsine.

⁴⁴Abolwibulo lwa Asheri mubilibwa biabwe bali Imina, Ishiwi, nende Beria.

⁴⁵Abesilibwa sia Heberi, nende abesilibwa sia Malakieli, barulanga mulwibulo lwa Beria.

⁴⁶Ne Asheri yali nomukhaana olangwanga Sera.

⁴⁷Abandu bosi khubebilibwa yibio bali etsielefu amakhumi karano natsitaru netsimia tsine.

⁴⁸Abolwibulo lwa Nafutali mubilibwa biabwe bali Yeseeli, Kuni,

⁴⁹Yeseri, nende Shilemu.

⁵⁰Abandu bosi khubilibwa bali etsielefu amakhumi kane natsirano netsimia tsine.

⁵¹Abasaatsa bosi ababalwa mu Baisiraeli bali etsielefu tsimia tsisasaba nandala netsimia tsine natsitaru namakhumi kataru.

⁵²Ma OMWAMI nabool'la Musa mbu,

⁵³“Okabul'le abetsinzibulo esibala okhulondekhana nende obwinji bwa buli olwibulo.

⁵⁴Khulwibulo lwabandu abenji, obahelesie obulaame obwinji; ne khulwibulo olutu, obahelesia obulaame obuti; buli lwibulo luhebwe obulaame okhulondokhana nende obwinji bwabandube balwo.

⁵⁵Nebutswa esibala sikabulwe khulwo okhukhupilwa imbulu. Obulaame bwabuli olwibulo lunyoola buhanwe okhulondokhana namera akolwibulo tsana.

⁵⁶Obulaame bwabwe bulakabulwa khulwo khukhupilwa imbulu hakari wabandu abenji khubali abatu.”

⁵⁷Olwibulo lwa Lawi lwalimwo ebilibwa bia Gerishoni, Kohatsi, nende Merari.

⁵⁸Abolwibulo lwabwe balimwo nende ebilibwa bitititi ebia: Libini, Heburoni, Mali, Mushi, nende Kora. Ne Kohatsi yali samwana Amuramu.

⁵⁹Ne eliira liomukhasi wa Amuramu liali Yokebedi, omukhaana wa Lawi, owa Lawi yeebul'la Emisiri. Ne yebul'la Amuramu abasiani babili Haruni nende Musa nende Miriamu omukhaana wabwe.

⁶⁰Haruni yali nabasiani bane: Nadabu, Abihu, Eliasa nende Itsamari.

⁶¹Nabo Nadabu nende Abihu nibafwa olwa bahaana omul'lo okurali omutsienukhu khu MWAMI.

⁶²Abasaatsa mu Balawi abomwesi mulala nende abayomba yaho bosi halala bali etsielefu amakhumi kabili natsitaru. Sibabal'lwa mubandu ba Isiraeli bandi tawe sichila sibanyoolakhwo obulaame bwosi mu Isiraeli tawe.

⁶³Yabo bosi nibo abebilibwa ebia Musa nende Eliasa omwesaalisi babala olwa babala abandu ba Isiraeli musipaapi sia Moabu, ahembi Yorodani injelekha wa Yeriko.

⁶⁴Nebutswa siyalikhwoho omundu wosi owali niyasikala muyabo aba Musa nende Haruni omwesaalisi babasia mukhubalwa khwokhuranga olwa bali musitsiimi sia Sinai tawe.

⁶⁵OMWAMI yali niyaboola mbu bosi bakhafwile musitsiimi narali Kalebu omusiani wa Yefune nende Yoshwa omusiani wa Nuni bonyene.