Read lunyore SAKARIA 3 Bible Online

SAKARIA 3 - lunyore bible

SAKARIA 3

¹Mwibisulo lindi OMWAMI yamanyia Yoshwa Omwesaalisi Omukhongo nasinjiye imbeli wom'malaika wo MWAMI, ne Setani nasinjiye hamukhonokwe omusaatsa niyerechekhele okhumusitaaka.

²Om'malaika wo MWAMI nabool'la Setani mbu, “Ibe setani, lekha OMWAMI mwene akhulaame. OMWAMI mwene oyanzanga Yerusalemu akhukhalachile esiina. Omundu uno yali okhununulwa singa olukhwi olwahinibwa mumul'lo.”

³Ne Yoshwa yali nasinjiye imbeli wom'malaika niyebikhile tsingubo etsiesifwabwi.

⁴Om'malaika nabool'la abarumikhilibe bomwikulu mbu, “Mumuhinie tsingubo tsiayebikhile tsimbi yitsio.” Ma nabool'la Yoshwa mbu, “Lola mal'le okhuhiinia khuibe tsimbi ne nzia okhukhuhelesia tsingubo tsiobukusi webiikhe.”

⁵Nabalaka mbu babohe Yoshwa esilemba siomwesaalisi khumurwekwe. Nabo nibamubiikha tsingubo tsindahi om'malaika wo MWAMI nasinjiiyeho.

⁶Om'malaika wo MWAMI tsana nabool'la Yoshwa mbu,

⁷OMWAMI Wokhunyala Biosi yali okhuboola mbu: “Noba nolonda amalako kanje kosi ne nokhola kosi aka ndakhulaka, kho notsilil'le okhuba omusinjil'li we Hekalu yanje nolinda emichitsi tsiayo, ne nambul'lenje amasaayoko, singa obwa mbulilanga amasaayo kabamalaika abali imbeli wanje.

⁸Kho luno ibe Yoshwa Omwesaalisi Omukhongo, halala nende abesaalisi basio abali esilolelo siamatukhu amalahi aketsanga hulile: Nambisule omurumikhili wanje olangwanga Olusaka!

⁹Reetsanga imbeli wa Yoshwa lichina elala elili nende tsimbeka tsine natsitaru etsiatsobel'la. Namandike khwichina tsana amang'ana, ne mwitukhu elala nambinieho tsimbi tsiabandu besibala yisi.

¹⁰Olwelitukhu yilio liakhoole, buli mulala khwinywe yakhalange owasie okhwitsa okhusangal'la omulembe nende obwale musiinikha siomukunda kwemisabibu nende esiomukunda kwemikhuyu.”