Read lunyore BAKOLOSAI 4 Bible Online

BAKOLOSAI 4 - lunyore bible

BAKOLOSAI 4

¹Nenywe Abaami mubakhol'le abasumba benywe bulahi nimumanyile mbu nenywe khandi muli no Mwami mwikulu.

²Mwetinyilisie mukhusaaya tsinyinga tsiosi, ma mube meso olwa musaayanga, mimukhupa embwo khu Nyasaye.

³Halala ne yako mukhusaayilekhwo khandi nefwe mbu Nyasaye alakhuhe khwo obweyangu obulahi okhukamba ling'analie khukamabiso ka Kristo. Okhuba niko akachilanga nindi mububohe luno.

⁴Kho musaaye mbu, mboole singa obwa ngwan'ne okhuboola, munjila eyakahul'likhilamwo obulahi.

⁵Mube abachesi munjila yamukhol'langamwo khubandu abarali abasubili, nimurumikhila bulahi tsinyinga etsiliho.

⁶Okhul'loma khwenywe khube nesirenda khasotso khandi khubetsenge okhwokhuyanzisia, ma okhwola mumanye singa obwa mukwan'ne okhukalusia siomundu.

⁷Tukiko omwana wefwe omuyanzwa, ouli omurumikhili omusubilwa, omurumikhili wasianje mumulimo kwo Mwami, yakhamumanyie amang'ana kanje kosi.

⁸Nisio esichilanga nimuruma khwinywe khulwe lichoomo mbu amutinyilisie namubool'la singa obwe ifwe fwesi khutsitsachil'langa.

⁹Yetsanga nende Onesimo omwana wefwe omuyanzwa khandi omusubilwa oli mulala khwinywe. Bakhamubool'le amang'ana kosi akekholekhanga yino.

¹⁰Arisitariko, oli mububohe halala n'nase amurumilanga amasiesi, khandi Mariko mufialanyene Baranaba umusiesisie. (Mwamala okhubool'lwa mbu naba niyoola ahamuli mumwinjisie.)

¹¹Yoshwa, owalangwa khandi Yusto arumanga amasiesi. Bataru yabo nibo Abayahudi abahuchil'la Kristo bonyene abakholanga omulimo n'nase khulwo Obwami bwa Nyasaye, ne babeyenge abobukhonyi obukali khwise.

¹²Amasiesi okhurula khu Epafura, oli mulala khwinywe, ma omurumikhili wa Yesu Kristo. Amusaayilanga khasotso namureeba Nyasaye amukhole musinjile buralilu singa abakristo abakhula abehul'la mbu nabakristo kupu mubuhulili khubulalilo bwa Nyasaye.

¹³Nyala okhukobokhela akholanga omulimo kwenesinani khulwe inywe abandu ba Laodikia, nende yabo abe Herapoli.

¹⁴Luka omulesi omuyanzwa nende Demasi barumile amasiesi khwinywe.

¹⁵Haane amasiesi kefwe khubaana befwe abali Laodikia, nende Numufa, nende likanisa el'li munyumba yabwe.

¹⁶Ne nimumal'le okhusoma ebarwa yino, mulole mbu khandi isomelwe mwikanisa elili Laodikia. Ma khandi namusome ebarwa eyanerule khubaana befwe abali Laodikia.

¹⁷Mubool'le Arikipo, “Olole mbu umal'le omulimo okwa wahebwa muburumikhi bwo Mwami.”

¹⁸Ise, Paulo mandikanga amasiesi yaka nomukhono kwanje: Murebil'la ndi mububohe tawe! Esirenda sia Nyasaye sibe n'nenywe.