Read lunyore 1 BATESALONIKE 1 Bible Online

1 BATESALONIKE 1 - lunyore bible

1 BATESALONIKE 1

¹Ise Paulo, Sila nende Timoteo — khumuhandichilanga inywe abandu abekanisa ya Tesalonike abali aba Nyasaye Papa nende Omwami Yesu Kristo. Esirenda nemilembe bibe khwinywe.

²Khumukhupilanga Nyasaye embwo amatukhu kosi khulwe inywe mwesi, nikhutsilil'la okhumurala mukhusaaya khwefwe.

³Okhuba khwitsul'langa imbeli wa Nyasaye, khandi Papa wefwe obwa mwali okhura obusubili bwenywe mubikhole, obwa obuyanzi bwenywe bwachila nimutitikhana butinyu khandi obwobunayi bwenywe mu Mwami wefwe Yesu Kristo buli oburalilu.

⁴Abaana befwe, khumanyile mbu Nyasaye wamuyanza, ma khandi wamwela okhuba abandu baabe.

⁵Okhuba sikhwamuler'ra Amang'ana Amalahi khulwo okhuboola butswa tawe, harali khandi nende mubunyali, nomu Mwoyo Omutsienukhu nende mukhusubila mbu amang'ana yako nakatooto. Inywe mumanyile obwa khwali okhumenya olwa khwali n'nenywe. Yako kali khulwo obukhala bwenywe.

⁶Nenywe mwalonda ifwo yefwe nende eyo Mwami, kata nimwakhupibwa esibi esinji, mwenjisia ling'ana nobusangali oburulanga khu Mwoyo Omutsienukhu.

⁷Khulwe yako inywe mwali esilolelo khubasubili bosi aba Makedonia nende Akaya.

⁸Siliali butswa Ling'ana lio Mwami elialanda okhurula khwinywe mu Makedonia nende Akaya lionyene tawe; nebutswa amang'ana akobusubili bwenywe khu Nyasaye kahul'likha siahabundu hosi. Kho ifwe sikhuli nende elindi eliakhumeta okhuboola tawe.

⁹Abandu yabo bakobokhelanga obwa mwakhwinjisia olwa khwamukonya khandi obwa mwakalukha khu Nyasaye nimulekha emisambwa okhurumikhila Nyasaye watooto khandi oliho mwoyo,

¹⁰nokhulindil'la omwanawe okhurula mwikulu, Yesu owa yasimukusia okhurula mubafwa, okhuhoninjia okhurula muburima bwa Nyasaye obwitsanga.