Read lunyore YOSHWA 12 Bible Online

YOSHWA 12 - lunyore bible

YOSHWA 12

¹Abandu ba Isiraeli bali nibamal'le okhuleka nende okhubukula esibala esili ebukwe womuchela kwa Yorodani okhurula mwibanda lia Arinoni okhwola mwibanda lia Yorodani nende okhutsia khusikulu sia Herimoni esili esinyolu. Baleka abaruchi babili.

²Mulala yali Sihoni, omuruchi wa Amori owarukanga nali Heshiboni. Obwami bubwe bwabukulanga enusu yesitonye sia Gileadi: okhurula Aroeri (elili khundulo khwelibanda lia Arinoni) nende litookho elili hakari welibanda, okhutsia okhwola khumuchela kwa Yaboku, khulwakho lwa Amoni.

³Khandi yamihanga okhwola khulibanda lia Yorodani okhurula khunyanza ya Galilaya elie enandete wa Betsi Yeshimotsi (ebukwe weinyanza yechumbi) nende okhutsilil'la hasi wesikulu sia Pisiga.

⁴Khandi baleka Ogu Omuruchi wa Bashani, owali mulala khubokhumal'likha khubandu ba Refaimu; yamihanga nali Ashitarotsi nende Edirei.

⁵Obwamibwe bwalimwo esikulu sia Herimoni, Saleka, nende Bashani yosi okhutsia khutsinzakho tsia Geshuru nende Maaka kata nende esitonye sia Gileadi, okhutsia mulusoma lwa Sihoni omuruchi wa Heshiboni.

⁶Abaruchi yaba babili Musa nende abandu ba Isiraeli babaleka. Musa omurumwa wo MWAMI, yahaana esibala siabwe khubolwibulo lwa Rubeni nende Gadi nende enusu yesitonye siabolwibulo lwa Manase sibe esiabwe.

⁷Yoshwa nende abandu ba Isiraeli baleka abaruchi bosi abolusoma oluli emasaba wa Yorodani, okhurula Baaligadi mwibanda lia Lebanoni okhutsia khusikulu sia Halaki elubeka lwe enandete ahembi nende Edomu. Yoshwa yakabania esibala yisi mutsimbia ma nabahelesia sibe esiabwe inziayo.

⁸Esitonye yisi sialimwo esibala siomusikulu, olubeka lwemasaba hasi webikulu, libanda lia Yorodani nende hasi webikulu bialio, ebikongomo biebukwe, nende esibala esiomu esili elubeka lwenandete. Esibala yisi sialinji ingo ya Abahiti, Abaamori, Abakanaani, Abaperisi, Abahiwi nende Abayebusi.

⁹Abandu ba Isiraeli baleka abaruchi bamatookho kalondakhwo yaka: Yeriko, Ai (ahembi Betseli)

¹⁰Yerusalemu, Heburoni,

¹¹Yamutsi, Lakishi,

¹²Ekiloni, Keseri,

¹³Tebiri, Kederi,

¹⁴Horima Aradi,

¹⁵Libuna, Adulamu,

¹⁶Maketa, Betseli,

¹⁷Tapua, Heferi,

¹⁸Afeki, Lasharoni,

¹⁹Madoni, Hasori,

²⁰Shimuroni Meroni, Akishafu,

²¹Taanaki, Mekito,

²²Keteshi, Yokinaama (elili mu Karimeli)

²³Tori (elili khutsindulo khweinyanza), Koimi (elili mu Galilaya),

²⁴nende Tirisa; bosi bali abaruchi amakhumi kataru namulala.