Read lunyore YOSHWA 16 Bible Online

YOSHWA 16 - lunyore bible

YOSHWA 16

¹Olwakho lwenandete wesibala olwahanwa khubolwibulo lwa Yosefu lwachiachila khu Yorodani ahembi nende Yeriko ebukwe webitaho bia Yeriko, ma nilutsia musitsiimi. Lwatsia okhurula Yeriko okhwola musibala siokhusikulu nende Betseli.

²Okhurula Betseli lwatsia okhwola Lusi ndubira okhutsia Atarotsi Atari aha Aribakitesi bamenyanga.

³Lwamala nilutsia emasaba musitonye sia Bayafuletiti, okhwola musitonye siemwalo wa Betsi Horoni. Lwatsilil'la okhurulaho okhutsia Geseri ma niluhwel'la khunyanza ye Mediterenia.

⁴Abetsukhulu ba Yosefu abetsinzibulo tsia Efuraimu nende esitonye sia Manase esie Masaba banyoola liloba yili singa omukabwa kwabwe.

⁵Yilu lwali olusoma lwabetsinyumba tsia Efuraimu: olwakho lwabwe lwarula Atarotsi Adari khulubeka lwebukwe okhutsia emukulu wa Betsi Horoni,

⁶ma okhurula yaho okhutsia khunyanza ya Mediterenia. Mikimetsatsi yali khulubeka lwesinyolu. Ebukwe wa Mikimetsatsi, olwakho lwekota okhutsia Taanatsi Shilo nilubiraho okhulonda khulubeka lwebukwe okhwola Yanoa.

⁷Ma nilutsia emwalo okhurula Yanoa okhwola Atarotsi nende Naara, nilwolanga Yeriko ma niluhwelanga khumuchela kwa Yorodani.

⁸Olwakho lwatsia emasaba okhurula Tapua okhwola khumuchela kwa Kana khandi niluhwela khunyanza ya Mediterenia. Yili liali liloba eliahebwa abetsinyumba tsiolwibulo lwa Efuraimu singa omukabwa kwabwe. Khandi: buhebwa,

⁹amalala khumatookho amatititi nende amataala akabotokhanwa nende olwakho lwa Manase nebutswa akali nikahanwa khubandu ba Efuraimu.

¹⁰Nebutswa sibakhunga Abakanaani abali nibamenya mwitookho lia Keseri tawe. Kho Abakanaani bamenyanga butswa mubandu ba Efuraimu okhwola leelo, nebutswa bakholanga emilimo chiokhuhachibwa singa abasumba.