Read lunyore YOSHWA 19 Bible Online

YOSHWA 19 - lunyore bible

YOSHWA 19

¹Okhukabulwa khwakhabili okhwakholwa khwali okhwa abetsinyumba tsiolwibulo lwa Simioni. Olusoma lwasio lwola khwiloba eliali niliakabwa khubolwibulo lwa Yuda.

²Lwalimwo amatookho ka Berisheba, Sheba, Molata,

³Hasari Shuali, Bala, Esemu,

⁴Elidoladi, Betsuli, Horima,

⁵Sikilaki, Betsi Marikabotsi, Hasari Susa,

⁶Betsi Lebaotsi nende Sharuheni. Kosi kali amatookho likhumi nende kataru namataala akakabotokhana.

⁷Amatookho kandi kali Aini, Rimoni, Etseri nende Ashani. Kosi kali amatookho kane nende amataala kosi akabotokhana.

⁸Yaka kalimwo amataala kandi akali ahembi namatookho amakali yako okhutsia okhwola Baalatsi Beeri (nohomba Rama) khulubeka lwenandete. Yili nilio liloba eliabandu bolwibulo lwa Simioni bahebwa singa omukabwa kwabwe.

⁹Ne khulwa mbu omukabwa kwa Yuda kwali omukali okhuyomba singa kenyekhanga, esitonye siolusoma lwalwo siahanwa khubolwibulo lwa Simioni.

¹⁰Okhukabulwa khwakhataru khwali okhwolwibulo lwa Sabuloni nabetsinyumba tsialwo. Liloba liabali okhuhebwa liatsia okhwola Saridi.

¹¹Okhurula yaho olwakho lwatsia emasaba okhwola Mareali, nilwetilanga khu Tabeshetsi nende khumuchela okuli ebukwe wa Yokineamu.

¹²Khulubeka lundi olwa Saridi, olwakho lwatsia ebukwe okhwola khulwakho lwa Kisilotsi Tabori, ma okhwola Taberatsi ma okhwola Yafia.

¹³Lwatsilil'la ebukwe okhurula yaho okhutsia Katsi Heferi nende Etsikasini, nilusukhananga mulubeka lwa Nea khunjila yokhutsia Rimoni.

¹⁴Khulwakho lwesinyolu lwasukhana nilungele Hanatsoni niluhwel'langa mwibanda lia Ifutaheli.

¹⁵Lwalimwo Katatsi, Nahalali, Shimuroni, Itala, nende Betselehemu. Kosi kali amatookho likhumi nakabili nende amataala akakabotokhana.

¹⁶Amatookho yaka nende amataala kaako kalinji mwiloba eliahanwa khubetsinyumba tsiolwibulo lwa Sabuloni eliali singa omukabwa kwabwe.

¹⁷Okhukabulwa khwakhane khwali okhwa abetsinyumba tsiolwibulo lwa Isakari.

¹⁸Liloba lialwo lialimwo amatookho ka Yesereli, Kesulotsi, Shunemu,

¹⁹Hafaraimu, Shioni, Anaharatsi,

²⁰Rabitsi, Kishioni, Ebesi,

²¹Remetsi, Enganimu, Enihata, nende Betsipasesi.

²²Olwakho khandi lwola Tabori, Shahasuma, nende Betsi Shemeshi, niluhwelanga khu Yorodani. Lwalimwo amatookho likhumi nakasasaba nende amataala akakabotokhan'na.

²³Amatookho yaka nende amataala kaako kali mwiloba liabetsinyumba tsiolwibulo lwa Isakari lwahebwa singa omukabwa kwabwe.

²⁴Okhukabulwa khwakharano khwali okhwa abetsinyumba tsiolwibulo lwa Asheri.

²⁵Liloba lialwo lialimwo amatookho kano: Helikatsi, Hali, Beteni, Akishafu,

²⁶Alamu, Meleki, Amati nende Mishali. Olubeka lwemasaba lwola khu Karimeli nende Shihori Libinatsi.

²⁷Olwa lwahenga ebukwe, olwakho lwatsia khu Betsidagoni, okhwola khu Sabuloni nende libanda lia Ifutaheli okhuhenga esinyolu okhutsia Betsemeki nende Neieli. Lwatsilil'la niluhengele esinyolu okhwola Kabulu,

²⁸Eburoni, Rehobu, Hamoni, nende Kana, okhutsia okhwola Sidoni.

²⁹Olwakho lwamala nilusukhana Rama, nilwolanga khwitookho lia Tiro eliombokhwa noluhinga. Ma ndukotola okhutsia Hosa ma niluhwela khu Nyanza ya Mediterenia. Lwalimwo amatookho kano: Mahalabu, Akisibu,

³⁰Uma, Afeki, nende Rehobu: amatookho amakhumi kabili nende kabili halala nende amataala akakabotokhana.

³¹Amatookho yaka nende amataala kaako kali mwiloba eliahanwa khubetsinyumba tsiolwibulo lwa Asheri singa omukabwa kwabwe.

³²Okhukabulwa khwakhasasaba khwali okhwa betsinyumba tsiolwibulo lwa Nafutali.

³³Olwakho lwalio lwachiachila Helefu okhwola khumusaala kwomuruba okwali Sananimu, ma nilutsia Adaminekebu nende Yaminia, okhutsia okhwola khu Lakumi, ma niluhwela khu Yorodani.

³⁴Yaho olwakho lwakotola emasaba okhwola Asinotsi Tabori. Okhurula yaho lwatsia Hukoki, nilwolanga khu Sabuloni khulubeka lwe enandete, Asheri khulubeka lwemasaba, nende Yorodani khulubeka lwe ebukwe.

³⁵Amatookho kombokhwa noluhinga kali Sitimu, Seri, Hamatsi, Rakatsi, Kineretsi,

³⁶Atama, Rama, Hasori,

³⁷Keteshi, Edirei, Enihasori,

³⁸Yironi, Mikitaleli, Horemu, Betsanatsi, nende Betsi Shemeshi. Kosi kali amatookho likhumi nende Karano nakane, nende amataala akakabotokhana.

³⁹Amatookho yaka nende amataala kaako matititi kali mwiloba eliahanwa khubetsinyumba tsiolwibulo lwa Nafutali singa omukabwa kwabwe.

⁴⁰Okhukabulwa khwakhane nakhataru khwali okhwa betsinyumba tsiolwibulo lwa Dani.

⁴¹Liloba liabwe lialimwo amatookho ka Sorai, Eshitaoli, Irishemeshi,

⁴²Shaalibimu, Aijaloni, Itsila,

⁴³Eloni, Timina, Ekironi,

⁴⁴Eliteke, Kibetsoni, Baalatsi,

⁴⁵Yehudi, Beneberaki, Gatsirimoni,

⁴⁶Mejarikoni, nende Rakoni ma nende olusoma olwabotokhana Yopa.

⁴⁷Olwabandu ba Dani bakosia liloba liabwe, batsia Laishi ma nibaliseera. Balileka, nibeera abandu balio, ma nibalibukula okhuba eliabwe. Bamenyamwo ma nibakalukhania eliiralielitookho nibalihiniakhwo Laishi niliba Dani, nibalikulikha eliira lia kuka wabwe Dani.

⁴⁸Amatookho yaka nende amataala kaako kali mwiloba eliahanwa khubetsinyumba tsiolwibulo lwa Dani singa omukabwa kwabwe.

⁴⁹Olwa abandu ba Isiraeli bamala okhukabula liloba, bahelesia Yoshwa omusiani wa Nuni esitonye nalebe sieliloba sibe esisie omwene.

⁵⁰Singa obwo MWAMI yali niyalaka, bamuhelesia litookho eliayareeba elilangwanga Timinatsi Sera, musibala siomubikulu esia Efuraimu. Yali okhwombokha litookho obuhia ma namenyamwo.

⁵¹Eliasa omwesaalisi, Yoshwa omusiani wa Nuni, nende abemeli babetsinyumba etsietsinzibulo tsia Isiraeli bakabul'lwa ebitonye yibi bieliloba khulwo okhukhupa imbuli khulwa okhureeba ling'ana khu MWAMI mwitookho lia Shilo, habwinjil'lo bweliheema liokhubaho khwo MWAMI. Munjila iyi bamalila okhukabula liloba.